Um leið og ég tók upp blýantinn kom nostalgían Gunnþóra Gunnarsdóttir skrifar 4. júní 2016 14:00 Gabríela innan um nokkra af þeim skringilegu skúlptúrum sem hún bjó til fyrir sýninguna, en fengu svo ekki pláss. Vísir/Anton Brink Sýningin sprettur út frá teiknimyndinni Innra líf heysátu sem ég gerði á síðasta ári með franska kvikmyndagerðarmanninum Pierre-Alain Giraud. Teikningarnar á veggjunum eru hluti af þeim sem ég gerði fyrir þá mynd,“ byrjar Gabríela Friðriksdóttir þegar hún er beðin að lýsa því hvernig innsetningin Innra líf heysátu í Gallery GAMMA í Garðastrætinu í Reykjavík varð til.Hún lýsir teikningunum nánar. „Þetta var í fyrsta skipti frá því ég var unglingur sem ég notaði blýantinn aftur til að móta bæði fínar og grófar línur. Ég tók svolítið unglingatæknina á þetta, blýanturinn kallaði á það. Það er talað um tjáningarraunsæi í listasögunni en þetta varð táningaraunsæi hjá mér. Um leið og ég tók upp blýantinn kom nostalgían yfir mig.“ Sýningin er hluti af dagskrá Listahátíðar og Gabríela segir Hönnu Styrmisdóttur, framkvæmdastjóra hennar, og sýningarstjórana Ara Alexander Ergis og Jón Proppé, hafa ákveðið að nota teiknimyndina frá síðasta ári og teikningarnar á sýningunni.„Þegar ég heimsótti galleríið og fór að velta hlutunum fyrir mér langaði mig að bæta einhverju við og í gegnum tíðina hef ég alltaf gert stofustærð af styttum öðru hverju.Kannski er það hluti af því að vera með svona barnalegan húmor í myndunum að mér fannst ég þurfa að vera með fígúrur sem gerðu innra líf heysátunnar enn persónulegra. Svo skúlptúrarnir eru alveg nýir.“ En var ekkert vandamál að nálgast heyið? „Nei, en það var samt dálítið krítískt, ég vissi ekkert hver ætti bagga núna eftir veturinn en hann Ólafur Hafliðason á Birnustöðum reddaði mér.Sáturnar úti eru líka dálítið skemmtilegt atriði, ég fékk aðstoð garðyrkjumeistara með það. Garðurinn er svo flottur og okkur fannst frábær hugmynd að hafa svona „sveit í bæ“ stemningu þar. Ég varð bæði glöð og hissa þegar fundust gamaldags hrífur með trétindum í Bauhaus. Svo var ég alltaf að hugsa um gömul net sem voru upplituð af sólinni eins og ég man eftir að vestan en fékk svarið „Hægan, hægan, Gabríela, þau eru öll komin á sjóminjasöfn!““ Gabríela er einmitt á förum vestur á firði þegar þetta viðtal fer fram. Hvað skyldi standa til þar? „Ég er að byrja á nýju verkefni með Valdimar Jóhannssyni tónlistarmanni og Ernu Ómarsdóttur dansara,“ upplýsir hún. „Það á að fara að filma fyrir vestan.“ Greinin birtist fyrst í Fréttablaðinu 4. júní 2016. Listahátíð í Reykjavík Menning Mest lesið Gefi raunsanna mynd af stefnumótahremmingum trans kvenna Bíó og sjónvarp Potter-stjarna harmar hvernig fór með Rowling Bíó og sjónvarp Ekki með mönnum á hennar aldri því „þeir eru allir látnir“ Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Minningar um líf sem er að hverfa Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið „Kveiktum næstum í öllu sumarbústaðalandinu“ Lífið Eltihrellirinn í Baby Reindeer íhugar að leita réttar síns Bíó og sjónvarp Lolla í Litlu hryllingsbúðinni:„Þetta er auðvitað geggjað hlutverk“ Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Sýningin sprettur út frá teiknimyndinni Innra líf heysátu sem ég gerði á síðasta ári með franska kvikmyndagerðarmanninum Pierre-Alain Giraud. Teikningarnar á veggjunum eru hluti af þeim sem ég gerði fyrir þá mynd,“ byrjar Gabríela Friðriksdóttir þegar hún er beðin að lýsa því hvernig innsetningin Innra líf heysátu í Gallery GAMMA í Garðastrætinu í Reykjavík varð til.Hún lýsir teikningunum nánar. „Þetta var í fyrsta skipti frá því ég var unglingur sem ég notaði blýantinn aftur til að móta bæði fínar og grófar línur. Ég tók svolítið unglingatæknina á þetta, blýanturinn kallaði á það. Það er talað um tjáningarraunsæi í listasögunni en þetta varð táningaraunsæi hjá mér. Um leið og ég tók upp blýantinn kom nostalgían yfir mig.“ Sýningin er hluti af dagskrá Listahátíðar og Gabríela segir Hönnu Styrmisdóttur, framkvæmdastjóra hennar, og sýningarstjórana Ara Alexander Ergis og Jón Proppé, hafa ákveðið að nota teiknimyndina frá síðasta ári og teikningarnar á sýningunni.„Þegar ég heimsótti galleríið og fór að velta hlutunum fyrir mér langaði mig að bæta einhverju við og í gegnum tíðina hef ég alltaf gert stofustærð af styttum öðru hverju.Kannski er það hluti af því að vera með svona barnalegan húmor í myndunum að mér fannst ég þurfa að vera með fígúrur sem gerðu innra líf heysátunnar enn persónulegra. Svo skúlptúrarnir eru alveg nýir.“ En var ekkert vandamál að nálgast heyið? „Nei, en það var samt dálítið krítískt, ég vissi ekkert hver ætti bagga núna eftir veturinn en hann Ólafur Hafliðason á Birnustöðum reddaði mér.Sáturnar úti eru líka dálítið skemmtilegt atriði, ég fékk aðstoð garðyrkjumeistara með það. Garðurinn er svo flottur og okkur fannst frábær hugmynd að hafa svona „sveit í bæ“ stemningu þar. Ég varð bæði glöð og hissa þegar fundust gamaldags hrífur með trétindum í Bauhaus. Svo var ég alltaf að hugsa um gömul net sem voru upplituð af sólinni eins og ég man eftir að vestan en fékk svarið „Hægan, hægan, Gabríela, þau eru öll komin á sjóminjasöfn!““ Gabríela er einmitt á förum vestur á firði þegar þetta viðtal fer fram. Hvað skyldi standa til þar? „Ég er að byrja á nýju verkefni með Valdimar Jóhannssyni tónlistarmanni og Ernu Ómarsdóttur dansara,“ upplýsir hún. „Það á að fara að filma fyrir vestan.“ Greinin birtist fyrst í Fréttablaðinu 4. júní 2016.
Listahátíð í Reykjavík Menning Mest lesið Gefi raunsanna mynd af stefnumótahremmingum trans kvenna Bíó og sjónvarp Potter-stjarna harmar hvernig fór með Rowling Bíó og sjónvarp Ekki með mönnum á hennar aldri því „þeir eru allir látnir“ Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Minningar um líf sem er að hverfa Lífið Swing og hópkynlíf fyrir byrjendur! Lífið Sagan á bak við djarft listaverk Ásdísar Ránar Lífið „Kveiktum næstum í öllu sumarbústaðalandinu“ Lífið Eltihrellirinn í Baby Reindeer íhugar að leita réttar síns Bíó og sjónvarp Lolla í Litlu hryllingsbúðinni:„Þetta er auðvitað geggjað hlutverk“ Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira