Svona er símtalið er þú ert valinn í danska landsliðið

Twitter-síða danska landsliðsins í knattspyrnu karla birti skemmtilegt myndband á síðu sinni í gærkvöldi er það sýndi er Åge Hareidi valdi einn leikmann í landsliðshópinn.

Myndbandið sýnir er Norðmaðurinn Åge, sem hefur verið þjálfari danska landsliðsins frá mars 2016, hringdi í Robert Skov, leikmann FCK, og valdi hann í landsliðshópinn.

Pione Sisto, leikmaður Celta Vigo, og Jannik Vestergaard, leikmaður Southampton, gáfu ekki kost á sér vegna meiðsla og var því vængmaður toppliðsins kallaður inn í landsliðið.

"Det er Åge Hareide, der ringer...."

Har du også tænkt over, hvordan det lyder, når en landstræner ringer med en god nyhed, så se med her

Vi glæder os til at se Robert Skov i landsholdslejren på mandag forud for kampene mod Kosovo og Schweiz #ForDanmarkpic.twitter.com/GmrsVYyd0k

— Fodboldlandsholdene (@dbulandshold) March 13, 2019

Danmörk spilar vináttulandsleik gegn Kósóvó 21. mars og fimm dögum síðar spilar liðið fyrsta leikinn sinn í undankeppni EM er liðið spilar við Sviss í Basel.

Skov hefur farið á kostum í dönsku úrvalsdeildinni það sem af er leiktíðinni. Hann hefur skorað 22 mörk á leiktíðinni en hann spilar vanalega sem vængmaður. Stórlið víðsvegar um Evrópu hafa fylgst með honum.