Guðni Bergsson og Geir Þorsteinsson munu taka þátt í kappræðum í kvöld í beinni á Stöð 2 Sport og Vísi.
Kosið verður um nýjan formann KSÍ á ársþingi sambandsins næstkomandi laugardag. Guðni og Geir eru einu frambjóðendurnir til formanns.
Guðni hefur sinnt starfi formanns síðustu tvö ár en hann tók við starfinu af Geir sem hafði þá setið sem formaður í tíu ár. Eftir tveggja ára fjarveru vill Geir setjast aftur í formannsstólinn.
Þeir félagar munu sitja fyrir svörum í kvöld þar sem farið verður ítarlega yfir málin. Kappræðurnar hefjast klukkan 21.45.
Geir og Guðni mætast í beinni í kvöld
Tengdar fréttir
Guðni: Ekkert sem kallar á að Geir bjóði sig fram
Guðni Bergsson, formaður KSÍ, furðar sig á því að Geir Þorsteinsson skuli bjóða sig fram til formanns KSÍ tveimur árum eftir að hann steig frá borði.
Geir og Guðni eru þeir einu sem bjóða sig fram til formanns KSÍ
Knattspyrnusamband Íslands hefur nú staðfest það á heimasíðu sinni hverjir munu bjóða sig fram til formanns og til stjórnar á 73. ársþingi Knattspyrnusambands Íslands sem fer fram 9. febrúar næstkomandi.
Forseti UEFA: Guðni Bergsson er frábær leiðtogi
Aleksander Ceferin, forseti UEFA, talar fallega um Guðna Bergsson, formann KSÍ, í samtali við Vísi og segir samstarf KSÍ og UEFA betra núna en það hafi nokkurn tíma verið.
Geir: Ósiðleg afskipti hjá forseta UEFA
Geir Þorsteinsson, fyrrum formaður KSÍ, er verulega ósáttur við afskipti forseta UEFA af formannskjöri KSÍ. Geir segir að forsetinn hafi brotið siðareglur UEFA með framkomu sinni.
Forseti UEFA braut hugsanlega eigin siðareglur er hann dásamaði Guðna
Viðtal Vísis við Aleksander Ceferin, forseta UEFA, þar sem hann mærði Guðna Bergsson, formann KSÍ, í bak og fyrir hefur vakið athygli víða og svo gæti verið að Ceferin hafi brotið siðareglur UEFA með orðum sínum.
