Andri Lucas með þrennu gegn Þjóðverjum

Andri Lucas Guðjohnsen skoraði öll mörk íslenska U-17 ára landsliðsins sem gerði 3-3 jafntefli við Þýskaland í dag.

Þetta var annar leikur Íslands í milliriðli undankeppni EM 2019. Íslendingar unnu Slóvena, 2-1, í fyrsta leik sínum og eru með fjögur stig á toppi riðilsins.

Ísland er því í góðri stöðu til að komast í lokakeppni EM sem fer fram á Írlandi í maí. Ísland mætir Hvíta-Rússlandi í lokaleik sínum í milliriðlinum á þriðjudaginn.

Þjóðverjar komust þrisvar sinnum yfir í leiknum í dag en Andri Lucas jafnaði í öll skiptin. Tvö marka hans komu af vítapunktinum.

Byrjunarlið Íslands í leiknum í dag má sjá hér fyrir neðan.

Byrjunarlið U17 karla sem mætir Þýskalandi í dag í öðrum leik liðsins í milliriðli undankeppni EM 2019.

Our U17 men's team starting lineup in their Elite Round game against Germany in the Euro 2019 qualifying.#fyririslandpic.twitter.com/YfbHo6rc4L

— Knattspyrnusambandið (@footballiceland) March 23, 2019