Orri hetjan gegn uppeldisfélaginu í fyrsta sigri Vals

Valur vann sinn fyrsta sigur í Lengjubikarnum þetta árið er þeir unnu 1-0 sigur á HK í Kórnum í kvöld.

Staðan var markalaus í hálfleik en á 58. mínútu kom fyrsta og eina mark leiksins. Markið gerði varnarmaðurinn Orri Sigurður Ómarsson.

Valur er því með fjögur stig eftir þrjá leiki í riðli þrjú í A-deildinni en áður höfðu þeir fengið 4-0 skell gegn KA og gert jafntefli við Fjölni.

HK er hins vegar með eitt stig eftir fyrstu þrjá leikina en þeir gerðu jafntefli við Aftureldingu, töpuðu svo gegn Fjölni og nú síðast Val í kvöld.