Fótbolti

Juventus og Roma úr leik í bikarnum: Roma fékk á sig sjö mörk

Anton Ingi Leifsson skrifar
Ronaldo og félagar voru í góðri gæslu í kvöld.
Ronaldo og félagar voru í góðri gæslu í kvöld. vísir/getty
Juventus og Roma eru bæði úr leik í ítalska bikarnum en stórliðin fengu bæði skell í átta liða úrslitum bikarsins í kvöld.

Það var ekki mikil reisn yfir leik Roma í kvöld en liðið fékk á sig sjö mörk í 7-1 tapi gegn Fiorentina á útivelli. Staðan var 3-1 í hálfleik en allt gekk á aftur fótunum í síðari hálfleik.

Ljótasta atvik leiksins kom þó á 71. mínútu er Edin Dzeko, framherji Roma, var sendur í sturtu með beint rautt spjald fyrir að hrækja á dómara leiksins, Gianluca Manganiello.

Cristiano Ronaldo og félagar eru einnig úr leik eftir 3-0 tap gegn Atalanta á útivelli í kvöld. Duvan Zapata gerði tvö mörk og Timothy Castagne eitt. Öruggur sigur Atalanta.

Fótbolti

Mest lesið


Fleiri fréttir

Sjá meira


×

Mest lesið