Borga sig glaðir inn á sinn eigin leik Benedikt Bóas skrifar 10. júlí 2019 13:00 Kórdrengirnir á æfingu í gærkvöldi í Safamýri þar sem félagið spilar einnig sína heimaleiki. FRÉTTABLAÐIÐ/SIGTRYGGUR ARI Knattspyrnufélag Vesturbæjar, KV, er með 25 stig og Kórdrengir tveimur stigum minna í þriðju deildinni í fótbolta en liðin spila í kvöld. Þó liðin muni vafalítið berjast innanvallar hafa þau ákveðið að leggjast á eitt og leikmenn, þjálfarar og jafnvel þeir sem koma til með að starfa á leiknum munu borga sig inn en það kostar þúsund krónur inn. Mun allur ágóði leiksins renna í styrktarsjóði þriggja Íslendinga sem féllu frá fyrir skömmu eftir baráttu við krabbamein. Kórdrengir gerðu boli í júní sem var hluti af styrktarsöfnun fyrir #fyrirfanney málefnið. Metnaður þeirra við að láta gott af sér leiða kemur víða fram. Davíð Smári Lamude, þjálfari Kórdrengja, segir að KV hafi átt hugmyndina og það hafi verið auðvelt að segja já við þessari bón. „KV vildu leggja sitt af mörkum í þessari söfnun og hugmyndin kemur frá þeim. Lífið snýst um meira en bara fótbolta en ef það er hægt að blanda þessu tvennu saman, að láta gott af sér leiða og sparka í fótbolta, þá er það jákvætt,“ segir hann. Fótboltamenn hafa ekki verið mjög duglegir að láta gott af sér leiða miðað við aðrar íþróttagreinar hver svo sem ástæðan er en Kórdrengir bera nafn með rentu. „Við höfum verið í styrktarsöfnun #fyrirFanney í rúma tvo mánuði sem hefur gengið vel. Hún lést því miður fyrir skömmu en þetta er gert fyrir börnin hennar og KV lagði inn á styrktarreikning okkar fyrir Fanneyju. Þeir höfðu strax áhuga á að láta gott af sér leiða og höfðu samband við mig og vildu gera eitthvað sniðugt í kringum leikinn sem við tókum að sjálfsögðu fagnandi. Það verður mikið húllumhæ bæði innan vallar og utan.“Ingvar Þór Kale varð Íslandsmeistari með Breiðabliki.Vísir/AntonDavíð segir að í hópi Kórdrengja ríki mikil tilhlökkun vegna leiksins í kvöld. Allir séu heilir og klárir í takkaskóna. „Þetta verkefni okkar er ekki þannig að það sé verið að tjalda til einnar nætur. Við sem stöndum að liðinu viljum gera alvöru fótboltalið og höfum mikinn metnað til þess. Það vilja allir vera með, hvort sem það eru leikmenn eða styrktaraðilar. Við fáum góða mætingu á völlinn og þetta hefur risið hratt. Það er allt eða ekkert hjá okkur og stundum erum við sem stöndum að liðinu of peppaðir en ég held að við höfum gert þetta nokkuð vel. Þó að við séum nýir í þessu og ég sé að stíga mín fyrstu skref í þjálfun, nýbúinn að fá UEFA-réttindi frá KSÍ, tel ég að leikmenn og aðrir geti verið sáttir. Það vill enginn fara frá okkur og þeir sem ætluðu að stoppa stutt á sínum tíma eru hér enn. Við reynum að hafa góða umgjörð fyrir leikmenn og vöndum okkur þar. Líkamlegt atgervi leikmanna er mjög gott. Við erum ekki bara að taka þátt heldur erum við í þessu til að vinna. Leikmenn smitast af okkar metnaði og leikmenn sem áður voru of þungir eru komnir með magavöðva og eru óhræddir við að sýna þá,“ segir hann léttur. Fyrir tímabilið fékk liðið Kjartan Guðbrandsson til að koma tvisvar til þrisvar í viku og æfa liðið vel fyrir komandi átök. Það er enginn afsláttur gefinn og allir mæta á allar æfingar. „Það er enginn sem er að hringja og afboða sig. Við erum með sterka leikmenn og þeir eru enn með ástríðu fyrir fótbolta og eru ekki komnir hingað til að leika sér.“ Í hópi Kórdrengjanna eru margir leikmenn sem eiga leiki í efstu deild og Íslandsmeistaratitil eins og markvörðurinn Ingvar Þór Kale. „Við erum með gott lið og mér finnst vera stígandi í okkar leik. Við erum með langtímaplan fyrir klúbbinn en fyrsta markmiðið er alltaf að komast upp úr þriðju deildinni sem er ekkert sjálfgefið.“ Birtist í Fréttablaðinu Íslenski boltinn Mest lesið Þetta gerðist í lokaumferðinni í enska | City meistari og Jóhann Berg kvaddi Enski boltinn Leik lokið: FH - Afturelding 29-32 | Mosfellingar taka forystuna Handbolti Usyk fyrstur til að vinna Fury Sport Daníel stórbætti þrjátíu ára Íslandsmet Jóns Arnars Sport Telur að Usyk hafi unnið vegna stríðsins í Úkraínu Sport Uppgjör: Njarðvík - Keflavík 71-81 | Keflvíkingar nálgast titilinn Körfubolti Manchester City Englandsmeistari fjórða árið í röð Fótbolti Skytturnar gerðu sitt en horfa samt á eftir titlinum Enski boltinn Klopp kvaddi með sigri Fótbolti Klopp segir að Liverpool verði í góðum höndum hjá Slot Enski boltinn Fleiri fréttir Í beinni: Stjarnan - Breiðablik | Hörkuslagur í bikarnum Leiknir vann Breiðholtsslaginn og Njarðvík með fullt hús stiga Sandra María lagði upp bæði mörk Þórs/KA í bikarsigri á Dalvík Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Sjá meira
Knattspyrnufélag Vesturbæjar, KV, er með 25 stig og Kórdrengir tveimur stigum minna í þriðju deildinni í fótbolta en liðin spila í kvöld. Þó liðin muni vafalítið berjast innanvallar hafa þau ákveðið að leggjast á eitt og leikmenn, þjálfarar og jafnvel þeir sem koma til með að starfa á leiknum munu borga sig inn en það kostar þúsund krónur inn. Mun allur ágóði leiksins renna í styrktarsjóði þriggja Íslendinga sem féllu frá fyrir skömmu eftir baráttu við krabbamein. Kórdrengir gerðu boli í júní sem var hluti af styrktarsöfnun fyrir #fyrirfanney málefnið. Metnaður þeirra við að láta gott af sér leiða kemur víða fram. Davíð Smári Lamude, þjálfari Kórdrengja, segir að KV hafi átt hugmyndina og það hafi verið auðvelt að segja já við þessari bón. „KV vildu leggja sitt af mörkum í þessari söfnun og hugmyndin kemur frá þeim. Lífið snýst um meira en bara fótbolta en ef það er hægt að blanda þessu tvennu saman, að láta gott af sér leiða og sparka í fótbolta, þá er það jákvætt,“ segir hann. Fótboltamenn hafa ekki verið mjög duglegir að láta gott af sér leiða miðað við aðrar íþróttagreinar hver svo sem ástæðan er en Kórdrengir bera nafn með rentu. „Við höfum verið í styrktarsöfnun #fyrirFanney í rúma tvo mánuði sem hefur gengið vel. Hún lést því miður fyrir skömmu en þetta er gert fyrir börnin hennar og KV lagði inn á styrktarreikning okkar fyrir Fanneyju. Þeir höfðu strax áhuga á að láta gott af sér leiða og höfðu samband við mig og vildu gera eitthvað sniðugt í kringum leikinn sem við tókum að sjálfsögðu fagnandi. Það verður mikið húllumhæ bæði innan vallar og utan.“Ingvar Þór Kale varð Íslandsmeistari með Breiðabliki.Vísir/AntonDavíð segir að í hópi Kórdrengja ríki mikil tilhlökkun vegna leiksins í kvöld. Allir séu heilir og klárir í takkaskóna. „Þetta verkefni okkar er ekki þannig að það sé verið að tjalda til einnar nætur. Við sem stöndum að liðinu viljum gera alvöru fótboltalið og höfum mikinn metnað til þess. Það vilja allir vera með, hvort sem það eru leikmenn eða styrktaraðilar. Við fáum góða mætingu á völlinn og þetta hefur risið hratt. Það er allt eða ekkert hjá okkur og stundum erum við sem stöndum að liðinu of peppaðir en ég held að við höfum gert þetta nokkuð vel. Þó að við séum nýir í þessu og ég sé að stíga mín fyrstu skref í þjálfun, nýbúinn að fá UEFA-réttindi frá KSÍ, tel ég að leikmenn og aðrir geti verið sáttir. Það vill enginn fara frá okkur og þeir sem ætluðu að stoppa stutt á sínum tíma eru hér enn. Við reynum að hafa góða umgjörð fyrir leikmenn og vöndum okkur þar. Líkamlegt atgervi leikmanna er mjög gott. Við erum ekki bara að taka þátt heldur erum við í þessu til að vinna. Leikmenn smitast af okkar metnaði og leikmenn sem áður voru of þungir eru komnir með magavöðva og eru óhræddir við að sýna þá,“ segir hann léttur. Fyrir tímabilið fékk liðið Kjartan Guðbrandsson til að koma tvisvar til þrisvar í viku og æfa liðið vel fyrir komandi átök. Það er enginn afsláttur gefinn og allir mæta á allar æfingar. „Það er enginn sem er að hringja og afboða sig. Við erum með sterka leikmenn og þeir eru enn með ástríðu fyrir fótbolta og eru ekki komnir hingað til að leika sér.“ Í hópi Kórdrengjanna eru margir leikmenn sem eiga leiki í efstu deild og Íslandsmeistaratitil eins og markvörðurinn Ingvar Þór Kale. „Við erum með gott lið og mér finnst vera stígandi í okkar leik. Við erum með langtímaplan fyrir klúbbinn en fyrsta markmiðið er alltaf að komast upp úr þriðju deildinni sem er ekkert sjálfgefið.“
Birtist í Fréttablaðinu Íslenski boltinn Mest lesið Þetta gerðist í lokaumferðinni í enska | City meistari og Jóhann Berg kvaddi Enski boltinn Leik lokið: FH - Afturelding 29-32 | Mosfellingar taka forystuna Handbolti Usyk fyrstur til að vinna Fury Sport Daníel stórbætti þrjátíu ára Íslandsmet Jóns Arnars Sport Telur að Usyk hafi unnið vegna stríðsins í Úkraínu Sport Uppgjör: Njarðvík - Keflavík 71-81 | Keflvíkingar nálgast titilinn Körfubolti Manchester City Englandsmeistari fjórða árið í röð Fótbolti Skytturnar gerðu sitt en horfa samt á eftir titlinum Enski boltinn Klopp kvaddi með sigri Fótbolti Klopp segir að Liverpool verði í góðum höndum hjá Slot Enski boltinn Fleiri fréttir Í beinni: Stjarnan - Breiðablik | Hörkuslagur í bikarnum Leiknir vann Breiðholtsslaginn og Njarðvík með fullt hús stiga Sandra María lagði upp bæði mörk Þórs/KA í bikarsigri á Dalvík Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Sjá meira