Handbolti

Sænsku stelpurnar bættu stöðu sína með stórsigri

Óskar Ófeigur Jónsson skrifar
Olivia Mellegard var markahæst hjá Svíum en hún er vinstri hornamaður liðsins.
Olivia Mellegard var markahæst hjá Svíum en hún er vinstri hornamaður liðsins. Getty/Lukasz Laskowski

Rússland varð í dag fyrsta liðið til að gulltryggja sér sæti í undanúrslitum heimsmeistaramóts kvenna í handbolta en Svíþjóð og Spánn berjast um hitt sætið.

Rússnesku stelpurnar eru búnar að vinna sjö fyrstu leikina sína á HM en þær unnu sjö marka sigur á Svartfellingum í dag, 35-28. Rússland er með átta stig eða þremur meira en Svíar sem sitja í þriðja sætinu.

Spænska liðið er stigi á eftir Rússum eftir 33-31 sigur á Japan. Spánverjar mæta hins vegar hinu sterka liði Rússa í lokaumferðinni.

Svíar eiga enn möguleika á sæti í undanúrslitum eftir tólf marka sigur á Rúmeníu, 34-22. Svíar þurfa þó ekki aðeins að vinna upp tveggja stiga forskot Spánverjar heldur einnig sex mörk í markatölu. Liðin gerðu jafntefli í innbyrðis leiknum og því er líklegt að markatala ráði úrslitum.

Sænsku stelpurnar vissu að þær þurftu stóran sigur til að vinna upp átján marka forskot Spánverja í markatölu.

Þær voru komnar fimm mörkum yfir í hálfleik, 14-9, og náðu síðan sjö marka forskoti í seinni hálfleiknum. Rúmenar minnkuðu aftur muninn í fimm mörk en þá kom gott leikhlé hjá Svíum og þær kláruðu leikinn mjög vel. Munurinn í lokin varð heil tólf mörk eftir 10-3 endasprett hjá sænsku stelpunum.

Olivia Mellegard var markahæst hjá Svíum með sjö mörk en Mikaela Massing skoraði fimm mörk.

Lokaumferðin í báðum riðlum fer fram á morgun. Svíar mæta þar Svartfjallalandi.

Úrslitin í milliriðli tvö á HM kvenna í handbolta í dag:
Rússland - Svartfjallaland 35-28
Japan - Spánn 31-33
Svíþjóð - Rúmenía 34-22

Stig liðanna í milliriðli tvö
Rússland 8
Spánn 7
Svíþjóð 5
Svartfjallaland 4
Japan 0
Rúmenía 0

Stig liðanna í milliriðli eitt
Noregur 6
Þýskaland 5
Holland 4
Serbía 4
Danmörk 3
Suður Kórea 2

Tvö efstu liðin úr hvorum riðli komast í undanúrslitin.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.