Baltimore Ravens liðið hefur sett stefnuna á Super Bowl í ár og liðið er líklegur kandídat eftir að hafa unnið hvert frábæra liðið á fætur öðru á undanförnum vikum.



Baltimore Ravens vann annað spútniklið í gær eða lið San Francisco 49ers. Bæði liðin því með tíu sigra í tólf leikjum. Það mátti þó ekki miklu muna því Hrafnarnir unnu á vallarmarki í blálokin.



Baltimore Ravens fór á toppinn í Ameríkudeildinni eftir að Houston Texans vann meistara New England Patriots í kvöldleiknum. Bæði Ravens og Patriots hafa unnið tíu leiki en Baltimore vann innbyrðis leik liðanna og er því ofar.

Game ball goes to OB.#WeAreTexanspic.twitter.com/fTnS13wzhb

— Houston Texans (@HoustonTexans) December 2, 2019

Houston Texans er í efsta sæti í sínum riðli í Ameríkudeildinni en Tennessee Titans vann sinn þriðja leik í röð og er aðeins einum leik á eftir. Það er því mikil spenna í Suður-riðlinum.



Leikstjórnandinn Lamar Jackson hjá Baltimore Ravens er á sínu fyrsta heila tímabili í byrjunarliðshlutverki og hefur spilað nær óaðfinnanlega. Það stefnir allt í það að þessi óvenjulegi og nær óstöðvandi leikmaður verði kosinn mikilvægasti leikmaður deildarinnar í ár.

Lamar Jackson and the Ravens have beaten ...



Seahawks

Patriots

Texans

49ers



Those teams have a combined 36-9 record on the season ?? pic.twitter.com/E8iVCeNHZQ

— ESPN (@espn) December 1, 2019

Baltimore liðið hefur unnið bestu lið deildarinnar að undanförnu. Liðið hefur unnið átta síðustu leiki sína eða alla leiki frá og með 1. október. Meðal liðanna sem hafa legið í valnum eru sterk lið eins og Seattle Seahawks, New England Patriots, Houston Texans, Los Angeles Rams og nú síðast San Francisco 49ers.

FINAL: Eight in a row. The @Ravens win! #SFvsBALpic.twitter.com/B2HTCWJKXU

— NFL (@NFL) December 1, 2019

Green Bay Packers og Kansas City Chiefs styrktu bæði stöðu sína í sínum riðlum með sigrum í gær. Packers vann New York Giants í snjókomu og Chiefs vann sannfærandi sigur á Oakland Raiders.



Tveir af óvæntustu sigrum dagsins voru sigrar Miami Dolphins og  Washington Redskins sem bæði voru aðeins að vinna þriðja leikinn sinn í sumar. Cincinnati Bengals vann líka sinn fyrsta leik á tímabilinu og endaði þar með ellefu leikja taphrinu.



Dallas Cowboys er líka áfram á toppnum í sínum riðli þrátt fyrir tvö vandræðaleg töp í röð. Ástæðan er að Philadelphia Eagles tapaði sínum þriðja leik í röð í gær og nú fyrir Miami Dolphins.



Úrsltin í NFL-deildinni í gær:

Houston Texans- New England Patriots    28-22

Denver Broncos - Los Angeles Chargers    23-20    

Kansas City Chiefs - Oakland Raiders    40-9    

Arizona Cardinals - Los Angeles Rams    7-34    

Baltimore Ravens - San Francisco 49ers    20-17    

Carolina Panthers - Washington Redskins    21-29    

Cincinnati Bengals - New York Jets    22-6    

Indianapolis Colts - Tennessee Titans    17-31    

Jacksonville Jaguars - Tampa Bay Buccaneers    11-28    

Miami Dolphins - Philadelphia Eagles    37-31    

New York Giants - Green Bay Packers    13-31    

Pittsburgh Steelers - Cleveland Browns    20-13