Þrefaldur heimsmeistari í snóker hatar íþróttina og spilar frekar golf
Mark Williams, sem hefur orðið heimsmeistari í snóker í þrígang, er ekki mikill aðdáandi íþróttarinnar en hann segist hata íþróttina.
Williams komst áfram í 2. umferð enska meistaramótsins í snóker í gær, sem fer fram í York, með 6-2 sigri á Skotanum Fraser Patrick.
„Ég lenti í miklum vandræðum en einhvern veginn lenti hann í meiri vandræðum en ég og gerði þetta auðvelt fyrir mig í nokkrum römmum,“ sagði Wales-verjinn.
Williams, sem vann þriðja heimsmeistaratitil sinn í maí á síðasta ári, hefur ekki verið upp á sitt besta og spurður út í tímabilið svaraði Williams:
„Þetta gengur ágætlega. Mér líður vel þegar ég er á golfvellinum,“ en hvað með snókerinn?
„Ég hata það. Ég nýt þess bara að spila golf.“
Former world snooker champion Mark Williams says he 'hates' the sport and prefers playing golf.
More here https://t.co/2wiFubuNaw pic.twitter.com/Iip8gNMaGC
— BBC Sport (@BBCSport) November 28, 2019
Það er ljóst að Williams kemur til dyranna eins og hann er klæddur en aðspurður út í næstu umferð lá hann ekki á svörum.
„Ég verð í vandræðum. Ég hef engar væntingar. Ef ég spila eins og þetta í næstu umferð þá tapa ég og verð kominn heim á sunnudag eða mánudag,“ sagði Williams.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
