Innlent

Bensín­sprengju kastað í bíl

Atli Ísleifsson skrifar
Um hálf tvö var bílvelta í Breiðholtinu.
Um hálf tvö var bílvelta í Breiðholtinu. Vísir/vilhelm

Nokkuð erilsamt virðist hafa verið hjá lögreglunni í gærkvöldi og í nótt en um sjötíu mál voru skráð í málaskrá lögreglunnar á höfuðborgarsvæðinu frá 16:30 og fram til klukkan fimm í morgun.

Alvarlegasta atvikið átti sér stað um klukkan 23:30 í póstnúmeri 104 þegar bensínsprengju var kastað að mannlausri bifreið. Engan sakaði og voru gerendur á brott er lögreglu bar að. Málið er til rannsóknar hjá lögreglu.

Í sama hverfi nokkru síðar eða um 2:30 í nótt var síðan tilkynnt um aðila í annarlegu ástandi að öskra úti á götu og að ónáða íbúa. Sá var vistaður í fangageymslum lögreglu uns vímuástandið rennur af honum.

Um hálf tvö var síðan bílvelta í Breiðholtinu þar sem ökumaðurinn var talinn fastur í bifreiðinni. Honum tókst þó að komast út með smá aðstoð og liggja frekari upplýsingar um ástand hans ekki fyrir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.