Árekstur menningarheima í boði Ólafs Jóhanns Þórarinn Þórarinsson skrifar 30. október 2019 07:30 Pétur Már Ólafsson, forleggjari Ólafs Jóhanns hjá Bjarti og Veröld, og rithöfundurinn höfðu ærna ástæðu til að fagna í gær Rithöfundurinn Ólafur Jóhann Ólafsson hefur alið manninn í Bandaríkjunum nánast allan sinn höfundarferil þar sem hann hefur dansað hárfínan línudans milli skáldskaparins og kaldhamraðs raunveruleika viðskiptalífsins. Íslandsheimsóknir hans teljast því jafnan til tíðinda, ekki síst þegar hann er með nýja skáldsögu í farteskinu, þannig að eðlilega var fjölmenni í útgáfuhófi hans í Ásmundarsal í gær þegar hann fylgdi sinni nýjustu bók, Innflytjandanum, úr hlaði. Ólafur Jóhann er vanur lofi og verðlaunum og hlaut einróma lof fyrir síðustu bók sína, Sakramentið, sem kom út 2017 og ef marka má forleggjara hans er fyrirsjáanlegt að hann endurtaki leikinn með Innflytjandanum þar sem hann „sýnir allar sínar bestu hliðar og í stórbrotinni sögu sem kemur á óvart“. Atburðarás Innflytjandans hefst þegar innflytjandi finnst látinn úti í Örfirisey á dimmum og köldum febrúardegi. Um sömu helgi verða landsmenn helteknir af hvarfi ungrar, íslenskrar stúlku sem gufar sporlaust upp í myrkrinu, snjónum og ófærðinni.Guðný Magnúsdóttir, Haraldur Sigurðsson, Valdimar Harðarson og Guðleif Helgadóttir gættu þess að missa ekki af Ólafi Jóhanni og Innflytjandanum. Birtist í Fréttablaðinu Bókmenntir Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Útskúfaður úr Hollywood vegna kossareglunnar Lífið Þrettán bestu lög Ozzy Osbourne Lífið Einar og Milla eignuðust dreng Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Fleiri fréttir Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
Rithöfundurinn Ólafur Jóhann Ólafsson hefur alið manninn í Bandaríkjunum nánast allan sinn höfundarferil þar sem hann hefur dansað hárfínan línudans milli skáldskaparins og kaldhamraðs raunveruleika viðskiptalífsins. Íslandsheimsóknir hans teljast því jafnan til tíðinda, ekki síst þegar hann er með nýja skáldsögu í farteskinu, þannig að eðlilega var fjölmenni í útgáfuhófi hans í Ásmundarsal í gær þegar hann fylgdi sinni nýjustu bók, Innflytjandanum, úr hlaði. Ólafur Jóhann er vanur lofi og verðlaunum og hlaut einróma lof fyrir síðustu bók sína, Sakramentið, sem kom út 2017 og ef marka má forleggjara hans er fyrirsjáanlegt að hann endurtaki leikinn með Innflytjandanum þar sem hann „sýnir allar sínar bestu hliðar og í stórbrotinni sögu sem kemur á óvart“. Atburðarás Innflytjandans hefst þegar innflytjandi finnst látinn úti í Örfirisey á dimmum og köldum febrúardegi. Um sömu helgi verða landsmenn helteknir af hvarfi ungrar, íslenskrar stúlku sem gufar sporlaust upp í myrkrinu, snjónum og ófærðinni.Guðný Magnúsdóttir, Haraldur Sigurðsson, Valdimar Harðarson og Guðleif Helgadóttir gættu þess að missa ekki af Ólafi Jóhanni og Innflytjandanum.
Birtist í Fréttablaðinu Bókmenntir Mest lesið Justin Timberlake með Lyme-sjúkdóm Lífið Mannblendnir refir slá í gegn á Snæfellsnesi Lífið Útskúfaður úr Hollywood vegna kossareglunnar Lífið Þrettán bestu lög Ozzy Osbourne Lífið Einar og Milla eignuðust dreng Lífið Dularfullur veðurbreytir Jakobs Frímanns og maðurinn á bak við hann Lífið Uppljóstrar um síðustu skilaboðin sem hann fékk frá Ozzy Lífið Forseti Alþingis snæddi kvöldverð með Michael Douglas Lífið Draumabrúðkaup í sextíu ára gömlum kjól frá ömmu Lífið Ætlar í pásu frá giggum Lífið Fleiri fréttir Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira