Körfubolti

NBA deildin fer af stað í nótt | Borgarslagur í Los Angeles

Runólfur Trausti Þórhallsson skrifar
Er þetta besta tvíeyki NBA deildarinnar?
Er þetta besta tvíeyki NBA deildarinnar? Vísir/Getty

NBA deildin í körfubolta hefst í nótt með átta leikjum. Stórleikur næturinnar er leikur Los Angeles Lakers og nágranna þeirra í Los Angeles Clippers.

Miklar sviptingar urðu í sumar og fór besti leikmaður síðasta tímabils, Kawhi Leonard, frá meisturum Toronto Raptors til Los Angeles Clippers eftir langan aðdraganda þar sem flestir héldu að Leonard myndi enda hjá erkifjendunum í Lakers.

LeBron James og félagar fengu samt sem áður ágætis liðsstyrk í Anthony Davis en þeir tveir eru af mörgum taldir besta tvíeyki deildarinnar. Þar á eftir kemur hitt tvíeykið í Los Angeles en Paul George fór einnig til Clippers.

Því miður fyrir New Orleans Pelicans, sem og aðdáendur deildarinnar, þá meiddist nýliðinn Zion Williamson nýverið og missir af fyrstu vikum tímabilsins. Sem betur fer fyrir Zion er tímabilið í NBA langt og því nóg af leikjum eftir þegar hann snýr aftur.

Pelicans mæta ríkjandi meisturum í Toronto í nótt.

Leikir næturinnar
Toronto Raptors - New Orleans Pelicans
Orlando Magic - Cleveland Cavaliers
Charlotte Hornets - Chicago Bulls
Miami Heat - Memphis Grizzlies
Indiana Pacers - Detroit Pistons
Brooklyn Nets - Minnesota Timberwolves
Philadelphia 76ers - Boston Celtics

NBA

Tengdar fréttir

Durant: Knicks er ekki svalt nafn lengur

Kevin Durant segir að New York Knicks geti ekki stólað sig á nafn félagsins til þess að landa bestu leikmönnunum, því flestir þeirra muni ekki eftir góðæristímum félagsins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.