Sport

Ben Askren íhugar að hætta

Henry Birgir Gunnarsson skrifar
Askren í bardaganum gegn Maia.
Askren í bardaganum gegn Maia. vísir/getty

UFC-bardagakappinn Ben Askren íhugar það nú alvarlega að hætta að berjast en hann tapaði fyrir Demian Maia um síðustu helgi.

Askren hefur ekki staðið undir væntingum hjá UFC síðan hann kom þangað ósigraður frá ONE-bardagasambandinu.

Askren vann fyrst mjög umdeildan sigur á Robbie Lawler en var síðan rotaður á um þremur sekúndum af Jorge Masvidal. Svo náði Maia að hengja hann um síðustu helgi en það var í fyrsta sinn sem glímukappinn tapar á uppgjafartaki.

„Ég hef aldrei haft neina sérstaka ánægju af því að berjast. Mér hefur alltaf fundist það skemmtilegra að glíma,“ sagði Askren við Ariel Helwani hjá ESPN.

„Hluti af mér vill enn berjast því ég tel mig enn geta barist við þá bestu. Annar hluti af mér vill hætta því það er svo margt annað sem mig langar að gera í lífinu.“

Sjá má viðtalið hér að neðan.


MMA

Tengdar fréttir

Demian Maia hengdi Ben Askren

UFC var með bardagakvöld í Singapúr í dag þar sem þeir Demian Maia og Ben Askren mættust í aðalbardaganum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.