Bíó og sjónvarp

Margmenni á hátíðarforsýningu Agnesar Joy

Stefán Árni Pálsson skrifar
Fjölmargir mættu á forsýningu Agnes Joy í gærkvöldi.
Fjölmargir mættu á forsýningu Agnes Joy í gærkvöldi. Myndir / Tara Tjörvadóttir

Íslenska kvikmyndin Agnes Joy eftir leikstjórann Silju Hauksdóttur var forsýnd í Háskólabíói í gærkvöldi og það fyrir framan fullan aðalsal.

Agnes Joy er ný mynd í leikstjórn Silju sem skrifar einnig handritið ásamt Göggu Jónsdóttur og Jóhönnu Friðriku Sæmundsdóttur. Með aðalhlutverk fara auk Kötlu og Donnau Cruz þeir Þorsteinn Bachmann, Björn Hlynur Haraldsson  og Kristinn Óli Haraldsson.



Agnes Joy er þroskasaga mæðgna af Skaganum. Rannveig, leikin af Kötlu Margréti, upplifir kulnun í lífi og starfi. Það er ekki nóg með að hún sé einmana, hjónabandið á leið í hundana og föst í starfi sem hún hatar, heldur á hún í stöðugum útistöðum við dóttur sína, Agnesi, leikin af Donnu Cruz sem er að stíga sín fyrstu skref á hvíta tjaldinu.

Framleiðendur eru Birgitta Björnsdóttir og Gagga Jónsdóttir fyrir Vintage Pictures. Handritið er byggt á hugmynd Mikaels Torfasonar sem er meðframleiðandi ásamt Guðbjörgu Sigurðardóttur. Myndin verður frumsýnd hér á landi á morgun.

Hér að neðan má sjá myndir frá hátíðarforsýningunni í gærkvöldi.

Lilja Pálma, Ragga Gísla og Birkir Kristinsson mættu í sínu fínasta.
Ilmur Kristjánsdóttir er hér lengst til vinstri og Silja Hauksdóttir lengst til hægri.
Viktoría Hermannsdóttir mætti ásamt dóttur sinni og tók Björgu Magnúsdóttur með sér.
Króli lét sig ekki vanta en hann fer með hlutverk í myndinni.
Donna Cruz hefur fengið mikið lof fyrir sína frammistöðu í Agnes Joy.
Katla Margrét tekur hér á móti hamingjuóskum.
Konurnar á bakvið Agnes Joy eftir sýninguna.
Mikið fjör í Háskólabíói í gærkvöldi.

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.