Bíó og sjónvarp

Íslensku stjörnurnar á fullu að gefa eiginhandaáritanir á rauða dreglinum

Stefán Árni Pálsson skrifar
Donna Cruz og Katla Margrét Þorgeirsdóttir og Silja Hauks á rauða dreglinum.
Donna Cruz og Katla Margrét Þorgeirsdóttir og Silja Hauks á rauða dreglinum.

Íslenska kvikmyndin Agnes Joy eftir leikstjórann Silju Hauksdóttur var heimsfrumsýnd á alþjóðlegu kvikmyndahátíðinni BUSAN í Suður Kóreu í gær.

Þær Silja Hauksdóttir og aðalleikonurnar Katla Margrét Þorgeirsdóttir og Donna Cruz ásamt framleiðendum myndarinnar, Gagga Jónsdóttir og Birgitta Björnsdótir, eru mættar til Suður Kóreu og voru viðstaddar heimsfrumsýninguna sem var fyrir troðfullum sal og hlaut myndin dynjandi lófaklapp í lokin.

Þess má geta aðalleikkonurnar og leikstjórinn voru umsetnar í lok sýningar fyrir eiginhandaáritanir og myndatökur með áhorfendum. Myndin verður sýnd nokkrum sinnum í viðbót á kvikmyndahátíðinni.

Agnes Joy er ný mynd í leikstjórn Silju Hauksdóttur sem skrifar einnig handritið ásamt Göggu Jónsdóttur og Jóhönnu Friðriku Sæmundsdóttur. Með aðalhlutverk fara auk Kötlu og Donnau Cruz þeir Þorsteinn Bachmann, Björn Hlynur Haraldsson  og Kristinn Óli Haraldsson.
Agnes Joy er þroskasaga mæðgna af Skaganum. Rannveig, leikin af Kötlu Margréti, upplifir kulnun í lífi og starfi. Það er ekki nóg með að hún sé einmana, hjónabandið á leið í hundana og föst í starfi sem hún hatar, heldur á hún í stöðugum útistöðum við dóttur sína, Agnesi, leikin af Donnu Cruz sem er að stíga sín fyrstu skref á hvíta tjaldinu.

Framleiðendur eru Birgitta Björnsdóttir og Gagga Jónsdóttir fyrir Vintage Pictures. Handritið er byggt á hugmynd Mikaels Torfasonar sem er meðframleiðandi ásamt Guðbjörgu Sigurðardóttur. Myndin verður frumsýnd hér á landi þann 17. október næstkomandi.

Hér að neðan má sjá nokkrar myndir sem teknar voru í Suður Kóreu í gær. 

Katla Margrét gaf eiginhandaáritun fyrir sýningu.
Donna Cruz var einnig með pennann á lofti.
Auðvitað varð að taka nokkrar sjálfur.
Þær Silja, Katla og Donna Cruz voru glæsilegar í gær.

Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.