Bíó og sjónvarp

Grátbroslegar helgar

Björk Eiðsdóttir skrifar
Leikstjórinn Nanna Kristín og Sólveig Guðmundsdóttir  sem leikur með henni í þáttunum.
Leikstjórinn Nanna Kristín og Sólveig Guðmundsdóttir sem leikur með henni í þáttunum. Fréttablaðið/Ernir

Mikil eftirvænting var á meðal gesta í þéttsetnum aðalsal Bíó Paradísar þegar tveir fyrstu þættir Pabbahelga voru forsýndir í samstarfi við kvikmyndahátíðina RIFF.

Þættirnir tveir lofa góðu enda ljúfsár og meinfyndin lýsing á annars alvarlegu málefni sem fjölmargir þekkja; framhjáhaldi, skilnaði og öllu sem slíku fylgir.

Nanna Kristín Magnúsdóttir er ekki aðeins handritshöfundur þáttanna og einn framleiðenda heldur leikur hún jafnframt aðalhlutverkið og gerir sjálfri sér sem leikkonu ekkert sérlega auðvelt fyrir en senur hennar eru nærgöngular og oft á tíðum örlítið óþægilegar.

Sagan á sér stað í íslenskum raunveruleika og ekki er dregin upp nein glansmynd af skilnaði, aðdraganda hans né eftirleik en kómískar hliðar ástandsins eru þó aldrei langt undan.

Þegar Nanna fylgdi þáttunum úr hlaði sagðist hún vilja spegla samfélagið á einhvern hátt og velta upp spurningum. Henni tekst það svo sannarlega og sjálfsagt geta ansi margir tengt við söguna hvort sem þeir hafa skilið, eru að fara að skilja eða þekkja einhvern sem hefur skilið. bjork@birtingur.is

Kolbrún, Rakel Björk og Þórunn Erna skemmtu sér vel.
Sveinn Rögnvaldsson, Signý Gunnarsdóttir og Regína Sjöfn sem fer með hlutverk dótturinnar í þáttunum.
Kolbrún, Rakel Björk og Þórunn Erna skemmtu sér vel.
Guðríður Erna og Daði Már.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.