Erlent

John­son sakar einnig Írani um á­rásina

Atli Ísleifsson skrifar
Boris Johnson er nú á leið til New York á allsherjarþing Sameinuðu þjóðanna.
Boris Johnson er nú á leið til New York á allsherjarþing Sameinuðu þjóðanna. Getty
Boris Johnson, forsætisráðherra Breta, hefur nú bæst í hóp þeirra sem saka Íran um að hafa staðið á bakvið árásina á olíuvinnslustöð Sádi-Araba á dögunum.

Johnson segir afar miklar líkur á því að Írönum sé um að kenna, en þeir hafa þó staðfastlega neitað því.

Johnson vill heldur ekki útiloka að gripið verði til hernaðaraðgerða og segir auknar viðskiptaþvinganir einnig mögulegar vegna málsins.

Bandaríkjamenn, sem einnig kenna Írönum um árásina, hafa ákveðið að fjölga í herliði sínu í Sádi-Arabíu.

Johnson er nú á leið til New York á allsherjarþing Sameinuðu þjóðanna þar sem hann mun meðal annars hitta forseta Írans, Hassan Rouhani.

Bretland Íran Sádi-Arabía

Tengdar fréttir

„Allsherjarstríð“ geri Bandaríkin árásir á Íran

Javad Zarif, utanríkisráðherra Íran, segir að geri Sádi-Arabía eða Bandaríkin loftárásir á Íran verði afleiðing þess „allsherjarstríð“ og sagði að Sádar þyrftu að berjast til "síðasta bandaríska hermannsins“ ef af yrði.

Bandaríkin senda hermenn til Sádi-Arabíu

Bandaríkjastjórn hefur tilkynnt að hún hyggist senda bandaríska hermenn til Sádi-Arabíu eftir að drónaárás var gerð stærstu olíuvinnslustöð heimsins, fyrr í mánuðinum. Bandaríkin og Sádar saka stjórnvöld í Íran um að bera ábyrgð á árásinni.

Mest lesið


Fleiri fréttir

Sjá meira


×

Mest lesið