Bíó og sjónvarp

Aukaleikararnir rifja upp Friends tímann

Stefán Árni Pálsson skrifar
Þættirnir eru 25 ára um þessar mundir.
Þættirnir eru 25 ára um þessar mundir.

Gamanþættirnir Friends njóta enn gríðarlegra vinsælda og horfa milljónir manna á þættina daglega. Friends voru framleiddir á árunum 1994-2004 og þekkja margir þættina vel.

Fjölmargir aukaleikarar voru reglulegir gestir í þáttunum. Hvort sem það voru foreldrar aðalpersónanna, vinir eða systkini þá komu aukaleikarnir mikið við sögu. Fjölmargir heimsþekktir leikarar komu einnig við sögu sem gestaleikarar í þáttunum.

Friends þættirnir voru tilnefndir til 62 Emmy verðlauna og unnu þættirnir sex slík verðlaun.

Í bandaríska spjallþættinum Today komu fjórir aukaleikarar í viðtal í vikunni til þess að rifja upp þeirra þátttöku í þáttunum.

Elliott Gould, Jane Sibbett, Jessica Hecht og Vincent Ventresca mættu öll. Gould lék hlutverk föður Monica og Ross, Jane Sibbett lék Carol, fyrrverandi eiginkonu Ross, Jessica Hecht fór með hlutverk Susan sem var eiginkona Carol og Vincent Ventresca lék Fun Bobby í fyrstu þáttaröðinni. Ástæðan fyrir heimsókn þeirra er 25 ára afmæli Friends.

Hér að neðan má sjá viðtalið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.