Laugardalsvöllurinn er úr sér genginn Benedikt Bóas Hinriksson skrifar 10. september 2019 16:45 Nánast öll sérsamböndin í Laugardal þurfa ný mannvirki enda langt síðan hamar og naglar hafa verið teknir upp í Laugardal. Aðstæður fyrir frjálsíþróttafólk eru óboðlegar að mati formanns FRÍ. Fréttablaðið/Stefán Frjálsíþróttasamband Íslands, FRÍ, sendi borgarráði Reykjavíkur bréf um Laugardalsvöll í byrjun mánaðarins. Benti sambandið á þær aðstæður sem frjálsíþróttafólk býr nú við og ítrekar vilja FRÍ um að hefja umsóknarferli um viðurkenningu þjóðarleikvanga í íþróttum. Þá fylgdi greinargerð mannvirkjanefndar FRÍ um ástand Laugardalsvallar. Telur FRÍ einsýnt að Reykjavíkurborg hefji nú þegar undirbúning að viðhaldsframkvæmdum á vellinum. Þá minnist FRÍ sérstaklega á að ekki fer saman það tónleikahald sem verið hefur með mjög löngu og miklu inngripi í starfsemi frjálsíþróttafélaganna í Reykjavík og óæskilegu álagi á keppnisbrautir vallarins. Freyr Ólafsson, formaður FRÍ, segir að frjálsar íþróttir séu í raun heimilislausar enda sé búið að lýsa því yfir að það eigi að fjarlægja hlaupabrautirnar á Laugardalsvelli. „Ef það verður gert þá erum við á köldum klaka, eins og greinargerð okkar sýnir, völlurinn er ekki keppnishæfur. Við getum ekki lengur tekið við mótum og höfum þegar þurft að vísa frá okkur mótum svo sem Norðurlandamótum. Við erum strand og bíðum svara.“ Freyr segir að þjóðarleikvangur í frjálsum eigi heima í Laugardalnum. Búið sé að þjarma að aðstöðunni víða, meðal annars með því að skipta yfir í gervigras í Kópavoginum. Frjálsíþróttavellir í Hafnarfirði og sá sem er í byggingu í Breiðholti eru mikilvægir vellir, fyrir æfingar og smærri mót, en hæfa ekki fyrir alþjóðlega keppni. Núverandi staða er því ótæk fyrir frjálsar. „Það hefur gengið vel að undanförnu og unga kynslóðin okkar er öflug og hefur verið að ná góðum árangri í alþjóðlegum samanburði. Að sjálfsögðu viljum við geta boðið þeim að mæta jafningjum hér á landi við boðlegar aðstæður. En við erum auðvitað líka þakklát fyrir fyrri uppbyggingu. Margt af þessu unga fólki hefur náð árangri í skjóli frjálsíþróttahallanna tveggja í Reykjavík og Hafnarfirði. Það er ómetanleg aðstaða sem hefur breytt öllu fyrir frjálsar.”Freyr Ólafsson, formaður FRÍ. Mynd/FRÍHeimavellirnir gamlir Laugardalurinn er heimavöllur landsliða Íslands en öll landsliðin eiga það sameiginlegt að spila nánast við óboðlegar aðstæður. Fræg er barátta KSÍ fyrir nýjum velli, KKÍ og HSÍ spila í Laugardalshöll á undanþágum enda höllin nánast orðin fornminjar. Aðspurður hvort frjálsar íþróttir geti nýtt nýjan Laugardalsvöll undir sína starfsemi segir Freyr að best væri að fá sérstakan völl fyrir frjálsar íþróttir. „Okkar krafa er að hafa átta brauta völl í Laugardal. Ég á von á því að það sé betra fyrir báða aðila að vera með sitthvorn völlinn. Það er ekkert samband sem getur byggt völl og við verðum að leyfa pólitíkinni að ákveða næstu skref, en það getur augljóslega ekki beðið lengur.“ Hann bendir á að aðgengi að frjálsíþróttavelli sé mjög gott. „Það sem frjálsíþróttavöllur býður upp á, ef hann verður byggður eingöngu fyrir frjálsar, er miklu meira aðgengi. Fjöldinn fær þá að æfa á vellinum, allt frá yngri börnum upp í afreksmenn. Völlurinn verður sannarlega opinn og þannig hluti af Laugardalnum, en ekki læstur, utan nokkurra leikja eða viðburða á ári.“ Þá gagnrýnir Freyr ríkisvaldið. Segir það verði að stíga stærri skref með sérsamböndunum. „Þetta er hnútur sem ég vona að verði leystur sem fyrst. Aðrir stallbræður mínir eru mér sammála þegar kemur að landsliðum og landskeppnum, þá hefur ríkisvaldið verið stikkfrí. Ég held því fram fullum fetum að ríkið græði einna mest á íþróttum með heilbrigðari þjóð. En við skulum vona að með þessari reglugerð um þjóðarleikvang að ríkið sé að koma aðeins meira inn. Vissulega hefur afrekssjóður verið stækkaður af myndarskap, en nú þarf sama myndarskap til að höggva á hnútinn vegna aðstæðna sérsambandanna.“ Birtist í Fréttablaðinu Frjálsar íþróttir Laugardalsvöllur Mest lesið Björn Borg tók of stóran skammt af eiturlyfjum Sport Róbert hættir hjá HSÍ Handbolti Kastaði stól í Eyjum og fékk þriggja leikja bann Handbolti Enduðu á nærbuxunum og gátu ekki flogið Fótbolti Sjáðu dramatíkina á Anfield: Van Dijk skoraði og Simeone brjálaðist Fótbolti „Þessi viðbrögð eru auðvitað ekki í lagi“ Fótbolti „Maður spyr sig hvar maður á heppnina inni“ Íslenski boltinn Fékk viljandi rautt og gæti misst af úrslitaleiknum Íslenski boltinn Vann Ólympíubrons en ætlar að keppa á Steraleikunum og slá heimsmetið Sport Skylda að klippa vel neglur í handbolta Handbolti Fleiri fréttir Slæm byrjun Chelsea skilaði Bayern sigri Fyrst til að verða heimsmeistari í báðum greinum Sædís og Arna í Meistaradeild Evrópu Fékk viljandi rautt og gæti misst af úrslitaleiknum Mourinho strax kominn með nýtt starf Ólöf Helga tekur við stjórninni: „Orðnar mjög spenntar fyrir fyrsta þætti“ Skylda að klippa vel neglur í handbolta Messi að framlengja við Inter Miami Róbert hættir hjá HSÍ Enduðu á nærbuxunum og gátu ekki flogið Wildcard hugleiðingar Fantasýn: Haaland inn, Salah út og bíða með Isak Kastaði stól í Eyjum og fékk þriggja leikja bann Fær nýjan þriggja ára samning þrátt fjögur töp í fyrstu fjórum leikjunum Ísland stendur í stað þrátt fyrir stórsigur Fimm sigurmörk á síðustu sjö mínútunum Björn Borg tók of stóran skammt af eiturlyfjum Vann Ólympíubrons en ætlar að keppa á Steraleikunum og slá heimsmetið „Maður spyr sig hvar maður á heppnina inni“ Sjáðu dramatíkina á Anfield: Van Dijk skoraði og Simeone brjálaðist „Þetta verður erfitt, en við munum reyna okkar besta” Dagskráin í dag: Meiri Meistaradeild og Big Ben „Svekkjandi að við gefum þeim fjögur mörk“ „Sex til sjö leikmenn haltrandi inni á vellinum“ Mourinho tekur við Benfica „Þessi viðbrögð eru auðvitað ekki í lagi“ Janus sagður á leið til Barcelona Swansea gafst ekki upp og skaut Forest úr leik Tvenna Thuram tryggði Inter sigur og PSG fór létt með Atalanta Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Slæm byrjun Chelsea skilaði Bayern sigri Sjá meira
Frjálsíþróttasamband Íslands, FRÍ, sendi borgarráði Reykjavíkur bréf um Laugardalsvöll í byrjun mánaðarins. Benti sambandið á þær aðstæður sem frjálsíþróttafólk býr nú við og ítrekar vilja FRÍ um að hefja umsóknarferli um viðurkenningu þjóðarleikvanga í íþróttum. Þá fylgdi greinargerð mannvirkjanefndar FRÍ um ástand Laugardalsvallar. Telur FRÍ einsýnt að Reykjavíkurborg hefji nú þegar undirbúning að viðhaldsframkvæmdum á vellinum. Þá minnist FRÍ sérstaklega á að ekki fer saman það tónleikahald sem verið hefur með mjög löngu og miklu inngripi í starfsemi frjálsíþróttafélaganna í Reykjavík og óæskilegu álagi á keppnisbrautir vallarins. Freyr Ólafsson, formaður FRÍ, segir að frjálsar íþróttir séu í raun heimilislausar enda sé búið að lýsa því yfir að það eigi að fjarlægja hlaupabrautirnar á Laugardalsvelli. „Ef það verður gert þá erum við á köldum klaka, eins og greinargerð okkar sýnir, völlurinn er ekki keppnishæfur. Við getum ekki lengur tekið við mótum og höfum þegar þurft að vísa frá okkur mótum svo sem Norðurlandamótum. Við erum strand og bíðum svara.“ Freyr segir að þjóðarleikvangur í frjálsum eigi heima í Laugardalnum. Búið sé að þjarma að aðstöðunni víða, meðal annars með því að skipta yfir í gervigras í Kópavoginum. Frjálsíþróttavellir í Hafnarfirði og sá sem er í byggingu í Breiðholti eru mikilvægir vellir, fyrir æfingar og smærri mót, en hæfa ekki fyrir alþjóðlega keppni. Núverandi staða er því ótæk fyrir frjálsar. „Það hefur gengið vel að undanförnu og unga kynslóðin okkar er öflug og hefur verið að ná góðum árangri í alþjóðlegum samanburði. Að sjálfsögðu viljum við geta boðið þeim að mæta jafningjum hér á landi við boðlegar aðstæður. En við erum auðvitað líka þakklát fyrir fyrri uppbyggingu. Margt af þessu unga fólki hefur náð árangri í skjóli frjálsíþróttahallanna tveggja í Reykjavík og Hafnarfirði. Það er ómetanleg aðstaða sem hefur breytt öllu fyrir frjálsar.”Freyr Ólafsson, formaður FRÍ. Mynd/FRÍHeimavellirnir gamlir Laugardalurinn er heimavöllur landsliða Íslands en öll landsliðin eiga það sameiginlegt að spila nánast við óboðlegar aðstæður. Fræg er barátta KSÍ fyrir nýjum velli, KKÍ og HSÍ spila í Laugardalshöll á undanþágum enda höllin nánast orðin fornminjar. Aðspurður hvort frjálsar íþróttir geti nýtt nýjan Laugardalsvöll undir sína starfsemi segir Freyr að best væri að fá sérstakan völl fyrir frjálsar íþróttir. „Okkar krafa er að hafa átta brauta völl í Laugardal. Ég á von á því að það sé betra fyrir báða aðila að vera með sitthvorn völlinn. Það er ekkert samband sem getur byggt völl og við verðum að leyfa pólitíkinni að ákveða næstu skref, en það getur augljóslega ekki beðið lengur.“ Hann bendir á að aðgengi að frjálsíþróttavelli sé mjög gott. „Það sem frjálsíþróttavöllur býður upp á, ef hann verður byggður eingöngu fyrir frjálsar, er miklu meira aðgengi. Fjöldinn fær þá að æfa á vellinum, allt frá yngri börnum upp í afreksmenn. Völlurinn verður sannarlega opinn og þannig hluti af Laugardalnum, en ekki læstur, utan nokkurra leikja eða viðburða á ári.“ Þá gagnrýnir Freyr ríkisvaldið. Segir það verði að stíga stærri skref með sérsamböndunum. „Þetta er hnútur sem ég vona að verði leystur sem fyrst. Aðrir stallbræður mínir eru mér sammála þegar kemur að landsliðum og landskeppnum, þá hefur ríkisvaldið verið stikkfrí. Ég held því fram fullum fetum að ríkið græði einna mest á íþróttum með heilbrigðari þjóð. En við skulum vona að með þessari reglugerð um þjóðarleikvang að ríkið sé að koma aðeins meira inn. Vissulega hefur afrekssjóður verið stækkaður af myndarskap, en nú þarf sama myndarskap til að höggva á hnútinn vegna aðstæðna sérsambandanna.“
Birtist í Fréttablaðinu Frjálsar íþróttir Laugardalsvöllur Mest lesið Björn Borg tók of stóran skammt af eiturlyfjum Sport Róbert hættir hjá HSÍ Handbolti Kastaði stól í Eyjum og fékk þriggja leikja bann Handbolti Enduðu á nærbuxunum og gátu ekki flogið Fótbolti Sjáðu dramatíkina á Anfield: Van Dijk skoraði og Simeone brjálaðist Fótbolti „Þessi viðbrögð eru auðvitað ekki í lagi“ Fótbolti „Maður spyr sig hvar maður á heppnina inni“ Íslenski boltinn Fékk viljandi rautt og gæti misst af úrslitaleiknum Íslenski boltinn Vann Ólympíubrons en ætlar að keppa á Steraleikunum og slá heimsmetið Sport Skylda að klippa vel neglur í handbolta Handbolti Fleiri fréttir Slæm byrjun Chelsea skilaði Bayern sigri Fyrst til að verða heimsmeistari í báðum greinum Sædís og Arna í Meistaradeild Evrópu Fékk viljandi rautt og gæti misst af úrslitaleiknum Mourinho strax kominn með nýtt starf Ólöf Helga tekur við stjórninni: „Orðnar mjög spenntar fyrir fyrsta þætti“ Skylda að klippa vel neglur í handbolta Messi að framlengja við Inter Miami Róbert hættir hjá HSÍ Enduðu á nærbuxunum og gátu ekki flogið Wildcard hugleiðingar Fantasýn: Haaland inn, Salah út og bíða með Isak Kastaði stól í Eyjum og fékk þriggja leikja bann Fær nýjan þriggja ára samning þrátt fjögur töp í fyrstu fjórum leikjunum Ísland stendur í stað þrátt fyrir stórsigur Fimm sigurmörk á síðustu sjö mínútunum Björn Borg tók of stóran skammt af eiturlyfjum Vann Ólympíubrons en ætlar að keppa á Steraleikunum og slá heimsmetið „Maður spyr sig hvar maður á heppnina inni“ Sjáðu dramatíkina á Anfield: Van Dijk skoraði og Simeone brjálaðist „Þetta verður erfitt, en við munum reyna okkar besta” Dagskráin í dag: Meiri Meistaradeild og Big Ben „Svekkjandi að við gefum þeim fjögur mörk“ „Sex til sjö leikmenn haltrandi inni á vellinum“ Mourinho tekur við Benfica „Þessi viðbrögð eru auðvitað ekki í lagi“ Janus sagður á leið til Barcelona Swansea gafst ekki upp og skaut Forest úr leik Tvenna Thuram tryggði Inter sigur og PSG fór létt með Atalanta Uppgjörið: HK - Þróttur 4-3 | HK fer með eins marks forskot í senini leikinn eftir rússibanareið Slæm byrjun Chelsea skilaði Bayern sigri Sjá meira