Viðurkenna fjögur mistök VAR
Mike Riley, formaður dómaranefndar enska knattspyrnusambandsins, viðurkennir að VAR hefur gert fjögur mistök það sem af er leiktíðinni í ensku úrvalsdeildinni.
Jöfnunarmark Fabian Schar gegn Watford og groddaralegt brot Yuri Tielemans á Calum Wilson eru fyrstu tvö mistökin sem voru viðurkennd á fundi ensku liðanna í dag.
Hin tvö mistökin voru þegar David Silva fékk ekki vítaspyrnu gegn Bournemouth og þegar West Ham fékk ekki vítaspyrnu gegn Norwich. Þetta eru atvikin fjögur.
INTERVIEW: Spoke to Mike Riley after today’s Premier League meeting. More on four VAR mistakes so far this season #SSN https://t.co/OeUc339A1A
— Bryan Swanson (@skysports_bryan) September 12, 2019
„Við erum að læra og við erum að bæta okkur stöðugt. Það hafa komið upp sex atvik þar sem VAR hefur hjálpað dómaranum og við höfum fyrir vikið fengið betri dóm,“ sagði Riley.
„Það eru svo fjögur atvik sem VAR kom ekki til sem hefði átt að gerast, hefðum við haft betri skilning á VAR í leikjunum,“ en atvikin fjögur eru talin upp hér að ofan.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
