De Gea loks búinn að skrifa undir
Spænski markvörðurinn hefur dregið það að skrifa undir nýjan samning þar sem hann hefur viljað fá staðfestingu á því að liðið geti barist um titla á næstu árum. Hvort það verði raunin er annað mál.
Bæði Juventus og Paris Saint-German voru farin að gera hosur sínar grænar en De Gea hefði orðið samningslaus næsta sumar og því mátt ræða við félögin strax í janúar.
The Mirror greinir frá þessu en enn á eftir að fá staðfestingu frá Manchester United eða umboðsskrifstofu De Gea.
BREAKING: David de Gea signs new four-year contract at Man Utd to end transfer speculation | @DiscoMirror https://t.co/rwsfl4reKR pic.twitter.com/pIQOR7hBt6Samningurinn hljómar upp á 250 þúsund pund á viku í grunnlaun en það gerir tæplega 39 milljónir íslenskar. Takist De Gea að haka í alla frammistöðu bónus klásúlur samningsins gæti hann hins vegar fengið allt að 350 þúsund pund á viku.
— Mirror Football (@MirrorFootball) September 14, 2019
Frammistöður De Gea undanfarið hafa ekki verið upp á marga fiska en Ole Gunnar Solskjær, knattspyrnustjóri Manchester United, vonast eflaust til að nýr samningur hjálpi De Gea að ná stöðugleika í sínum leik en markvörðurinn knái hefur verið einn besti markvörður heims undanfarin ár.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
