Fótbolti

Sandra María skoraði í bikarsigri

Ingvi Þór Sæmundsson skrifar
Sandra María var valin besti leikmaður Pepsi-deildar kvenna í fyrra.
Sandra María var valin besti leikmaður Pepsi-deildar kvenna í fyrra. vísir/stefán
Sandra María Jessen skoraði sitt fyrsta mark á tímabilinu þegar Bayer Leverkusen vann 1-2 sigur á Bourssia Mönchengladbach í 2. umferð þýsku bikarkeppninnar í dag.

Sandra María jafnaði í 1-1 á lokamínútu fyrri hálfleiks. Milena Nikolic frá Bosníu skoraði svo sigurmark Leverkusen í uppbótartíma.

Þetta var annað mark Söndru Maríu fyrir Leverkusen síðan kom til liðsins í janúar. Hún skoraði eitt mark í þýsku úrvalsdeildinni á síðasta tímabili.

Sandra María hefur komið við sögu í báðum deildarleikjum Leverkusen það sem af er þessu tímabili.

Akureyringurinn lék áður með Leverkusen tímabilið 2015-16.


Tengdar fréttir




Fleiri fréttir

Sjá meira


×