Rasismi fær rauða spjaldið Benedikt Bóas skrifar 21. ágúst 2019 14:30 Paul Pogba vildi fá að taka víti Manchester United gegn Úlfunum sem hann hafði fiskað sjálfur. Hann klikkaði og létu nettröll öllum illum látum í kjölfarið. Getty/ James Baylis Paul Pogba, leikmaður Manchester United, varð fyrir kynþáttaníði á samfélagsmiðlum eftir að hann klikkaði á vítaspyrnu gegn Úlfunum á mánudag. Félagið fordæmdi hegðunina og leikmenn, víða um Evrópu, skrifuðu stuðningsyfirlýsingar á sömu samfélagsmiðlum til Pogba. Þá gaf félagið út yfirlýsingu þar sem hegðunin var fordæmd. „Einstaklingarnir sem eru með þessi viðhorf endurspegla ekki gildin hjá okkar frábæra félagi og það er gott að sjá að stór hluti stuðningsmanna fordæmir þetta á samfélagsmiðlum,“ sagði meðal annars í yfirlýsingunni. Harry Maguire, varnarmaður Manchester United, sagði að Instagram og Twitter yrðu að fara breyta reglunum hjá sér. Þetta gengi ekki lengur. „Stoppið þessi ömurlegu nettröll sem búa til fjölmarga aðganga til að senda ömurleg skilaboð til fólks,“ skrifaði hann meðal annars á Twitter. Manchester United er að reyna að finna sökudólgana en það getur reynst þrautin þyngri enda sigla vitleysingarnir undir fölsku flaggi á nafnlausum aðgöngum. Twitter hefur skýrar reglur um hatursfull skilaboð en það er auðvelt að komast fram hjá þeim eins og dæmin sanna. Marcus Rashford sagði einfaldlega: „Nú er nóg komið. Þetta þarf að enda,“ og merkti Twitter.Múslimahatur jókst mest Þrátt fyrir að tímabilið sé nýbyrjað er viðbjóðslegur rasismi þegar búinn að koma þrisvar við sögu, svo vitað sé. Fyrst var það þegar Tommy Abraham, leikmaður Chelsea, klikkaði á vítaspyrnu gegn Liverpool í leiknum um ofurbikarinn í síðustu viku og Yakou Meite, leikmaður Reading, þurfti að þola heimskuleg ummæli um sig eftir vítaklúður með Reading í vikunni. Á opnunardegi Championship-deildarinnar sögðu fjórir leikmenn frá kynþáttaníði og móðgunum sem þeir og fjölskyldur þeirra urðu fyrir. Varla leið sú leikvika á síðasta tímabili að rasismi og fordómafull hegðun kæmi ekki við sögu. Í skýrslu Kick it Out samtakanna, sem berjast gegn kynþáttaníði í enskum fótbolta, fyrir síðasta tímabil sem kom út í lok júlí segir að rasismi á völlunum á Englandi hafi aukist um 43 prósent. Múslimahatur jókst mest eða um heil 75 prósent. Alls voru 422 atvik skráð, þar af 109 í yngri flokkum og fjölgaði þeim um 32 prósent. Knattspyrnusamband Englands hefur gefið það út að það sé að vinna hörðum höndum að úrbótum.Raheem Sterling segir að það dugi ekki aðeins að klæðast bolum. Danny Rose getur ekki beðið eftir að hætta í fótbolta til að hætta að upplifa rasismann sem þar lifir góðu lífi.Twitter vill viðræður Troy Townsend, frá Kick It Out, sagði í vikunni við Sky-fréttastofuna að forsvarsmenn frá Twitter vildu setjast niður með samtökunum og skoða hvað sé hægt að gera. „Það er allavega byrjunin og eitthvað sem við höfum viljað gera lengi. Vonandi kemur eitthvað út úr þeim viðræðum,“ sagði hann. Í viðtalinu kom einnig fram að enska úrvalsdeildin, knattspyrnusambandið og ensku deildirnar leggi fram samanlagt 750 þúsund pund til að berjast gegn rasisma. Flestir eru sammála því að það sé alltof lág upphæð, miðað við margt annað. Launahæsti leikmaður deildarinnar, Alexis Sanchez, er með 505 þúsund pund í vikulaun. „Við erum lítið góðgerðarfélag en við reynum eftir fremsta megni að gera það sem við getum. Ég er ekki einu sinni viss um að hver sem heyrir og sér mismunun á völlunum á Englandi viti hvernig eigi að tilkynna það,“ sagði Roisin Wood formaður Kick It Out við BBC fyrr í sumar. Raheem Sterling, sem er orðinn einn helsti talsmaður gegn rasisma, hefur látið hafa eftir sér að það þurfi að auka fjármunina í þessum málaflokki. „Við höfum stundum verið í bolum en það dugar skammt. Það þarf að gera meira.“ Fyrir tímabilið var það tilkynnt að hver sem mismunar öðrum leikmanni vegna húðlitar eða trúar hans fái sex leikja bann í ensku deildinni. FIFA tilkynnti nýja reglu og verða fordómafullir leikmenn settir sjálfkrafa í tíu leikja bann. Sá leikmaður sem er fundinn sekur um kynþáttafordóma verður dæmdur í tíu leikja bann og fær minnst 16 þúsund pund í sekt. Birtist í Fréttablaðinu Enski boltinn Mest lesið Bayern hyggst ráða manninn sem United losaði sig við Fótbolti Tíu KR-ingar skoruðu níu í gölnum leik Íslenski boltinn „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Líflausir Liverpoolmenn skrá sig út úr titilbaráttunni Enski boltinn Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Lærisveinninn laut í lægra haldi Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Fleiri fréttir Palace á mikilli siglingu Líflausir Liverpoolmenn skrá sig út úr titilbaráttunni Bruno sneri taflinu við gegn botnliðinu Liverpool hefur viðræður við Arne Slot Slapp við rautt þrátt fyrir fólskubrot: „Einhver þarf að útskýra þetta fyrir mér“ Tveir nítján ára handteknir fyrir nauðgun Fyllir Slot upp í tómarúmið sem Klopp skilur eftir sig? Segir sína menn ekki verðskulda Evrópusæti Segir sitt hlutverk að fá leikmenn til að trúa á verkefnið Skytturnar tylltu sér á toppinn með stæl Skorar tíðast allra en missir enn af leikjum Liverpool Segir viðbrögð fjölmiðla til skammar Højlund kvartaði yfir því að Fernandes gæfi ekki nógu oft á sig Heldur tryggð við Aston Villa þrátt fyrir áhuga annarra liða „Sýna að þetta sé Chelsea FC en ekki Cole Palmer FC“ Fannst Pogba týna sjálfum sér eftir að hann varð heimsmeistari Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton Var sagður taka við Liverpool en hefur rætt við West Ham „Kem því ekki í orð hversu léleg frammistaðan var“ Hjólaði alla leið frá Mongólíu til að sjá United spila Antony gagnrýndur fyrir fagnið „Úrslitin kostuðu Ten Hag starfið“ Ratcliffe hljóp maraþon og dreif sig svo á Wembley Ásaka dómara um óheilindi og hlutdrægni „Hefði hann klippt táneglurnar værum við ekki að ræða þessa vítaspyrnukeppni“ B-deildarliðið hársbreidd frá því að fara alla leið Liverpool jafnar efsta sætið að stigum Palace menn fóru mjög illa með West Ham Everton vann og er nú fimm stigum frá fallsæti Sjá meira
Paul Pogba, leikmaður Manchester United, varð fyrir kynþáttaníði á samfélagsmiðlum eftir að hann klikkaði á vítaspyrnu gegn Úlfunum á mánudag. Félagið fordæmdi hegðunina og leikmenn, víða um Evrópu, skrifuðu stuðningsyfirlýsingar á sömu samfélagsmiðlum til Pogba. Þá gaf félagið út yfirlýsingu þar sem hegðunin var fordæmd. „Einstaklingarnir sem eru með þessi viðhorf endurspegla ekki gildin hjá okkar frábæra félagi og það er gott að sjá að stór hluti stuðningsmanna fordæmir þetta á samfélagsmiðlum,“ sagði meðal annars í yfirlýsingunni. Harry Maguire, varnarmaður Manchester United, sagði að Instagram og Twitter yrðu að fara breyta reglunum hjá sér. Þetta gengi ekki lengur. „Stoppið þessi ömurlegu nettröll sem búa til fjölmarga aðganga til að senda ömurleg skilaboð til fólks,“ skrifaði hann meðal annars á Twitter. Manchester United er að reyna að finna sökudólgana en það getur reynst þrautin þyngri enda sigla vitleysingarnir undir fölsku flaggi á nafnlausum aðgöngum. Twitter hefur skýrar reglur um hatursfull skilaboð en það er auðvelt að komast fram hjá þeim eins og dæmin sanna. Marcus Rashford sagði einfaldlega: „Nú er nóg komið. Þetta þarf að enda,“ og merkti Twitter.Múslimahatur jókst mest Þrátt fyrir að tímabilið sé nýbyrjað er viðbjóðslegur rasismi þegar búinn að koma þrisvar við sögu, svo vitað sé. Fyrst var það þegar Tommy Abraham, leikmaður Chelsea, klikkaði á vítaspyrnu gegn Liverpool í leiknum um ofurbikarinn í síðustu viku og Yakou Meite, leikmaður Reading, þurfti að þola heimskuleg ummæli um sig eftir vítaklúður með Reading í vikunni. Á opnunardegi Championship-deildarinnar sögðu fjórir leikmenn frá kynþáttaníði og móðgunum sem þeir og fjölskyldur þeirra urðu fyrir. Varla leið sú leikvika á síðasta tímabili að rasismi og fordómafull hegðun kæmi ekki við sögu. Í skýrslu Kick it Out samtakanna, sem berjast gegn kynþáttaníði í enskum fótbolta, fyrir síðasta tímabil sem kom út í lok júlí segir að rasismi á völlunum á Englandi hafi aukist um 43 prósent. Múslimahatur jókst mest eða um heil 75 prósent. Alls voru 422 atvik skráð, þar af 109 í yngri flokkum og fjölgaði þeim um 32 prósent. Knattspyrnusamband Englands hefur gefið það út að það sé að vinna hörðum höndum að úrbótum.Raheem Sterling segir að það dugi ekki aðeins að klæðast bolum. Danny Rose getur ekki beðið eftir að hætta í fótbolta til að hætta að upplifa rasismann sem þar lifir góðu lífi.Twitter vill viðræður Troy Townsend, frá Kick It Out, sagði í vikunni við Sky-fréttastofuna að forsvarsmenn frá Twitter vildu setjast niður með samtökunum og skoða hvað sé hægt að gera. „Það er allavega byrjunin og eitthvað sem við höfum viljað gera lengi. Vonandi kemur eitthvað út úr þeim viðræðum,“ sagði hann. Í viðtalinu kom einnig fram að enska úrvalsdeildin, knattspyrnusambandið og ensku deildirnar leggi fram samanlagt 750 þúsund pund til að berjast gegn rasisma. Flestir eru sammála því að það sé alltof lág upphæð, miðað við margt annað. Launahæsti leikmaður deildarinnar, Alexis Sanchez, er með 505 þúsund pund í vikulaun. „Við erum lítið góðgerðarfélag en við reynum eftir fremsta megni að gera það sem við getum. Ég er ekki einu sinni viss um að hver sem heyrir og sér mismunun á völlunum á Englandi viti hvernig eigi að tilkynna það,“ sagði Roisin Wood formaður Kick It Out við BBC fyrr í sumar. Raheem Sterling, sem er orðinn einn helsti talsmaður gegn rasisma, hefur látið hafa eftir sér að það þurfi að auka fjármunina í þessum málaflokki. „Við höfum stundum verið í bolum en það dugar skammt. Það þarf að gera meira.“ Fyrir tímabilið var það tilkynnt að hver sem mismunar öðrum leikmanni vegna húðlitar eða trúar hans fái sex leikja bann í ensku deildinni. FIFA tilkynnti nýja reglu og verða fordómafullir leikmenn settir sjálfkrafa í tíu leikja bann. Sá leikmaður sem er fundinn sekur um kynþáttafordóma verður dæmdur í tíu leikja bann og fær minnst 16 þúsund pund í sekt.
Birtist í Fréttablaðinu Enski boltinn Mest lesið Bayern hyggst ráða manninn sem United losaði sig við Fótbolti Tíu KR-ingar skoruðu níu í gölnum leik Íslenski boltinn „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn „Á sama tíma í fyrra held ég að þetta hafi verið gult“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport Líflausir Liverpoolmenn skrá sig út úr titilbaráttunni Enski boltinn Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Lærisveinninn laut í lægra haldi Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Fleiri fréttir Palace á mikilli siglingu Líflausir Liverpoolmenn skrá sig út úr titilbaráttunni Bruno sneri taflinu við gegn botnliðinu Liverpool hefur viðræður við Arne Slot Slapp við rautt þrátt fyrir fólskubrot: „Einhver þarf að útskýra þetta fyrir mér“ Tveir nítján ára handteknir fyrir nauðgun Fyllir Slot upp í tómarúmið sem Klopp skilur eftir sig? Segir sína menn ekki verðskulda Evrópusæti Segir sitt hlutverk að fá leikmenn til að trúa á verkefnið Skytturnar tylltu sér á toppinn með stæl Skorar tíðast allra en missir enn af leikjum Liverpool Segir viðbrögð fjölmiðla til skammar Højlund kvartaði yfir því að Fernandes gæfi ekki nógu oft á sig Heldur tryggð við Aston Villa þrátt fyrir áhuga annarra liða „Sýna að þetta sé Chelsea FC en ekki Cole Palmer FC“ Fannst Pogba týna sjálfum sér eftir að hann varð heimsmeistari Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton Var sagður taka við Liverpool en hefur rætt við West Ham „Kem því ekki í orð hversu léleg frammistaðan var“ Hjólaði alla leið frá Mongólíu til að sjá United spila Antony gagnrýndur fyrir fagnið „Úrslitin kostuðu Ten Hag starfið“ Ratcliffe hljóp maraþon og dreif sig svo á Wembley Ásaka dómara um óheilindi og hlutdrægni „Hefði hann klippt táneglurnar værum við ekki að ræða þessa vítaspyrnukeppni“ B-deildarliðið hársbreidd frá því að fara alla leið Liverpool jafnar efsta sætið að stigum Palace menn fóru mjög illa með West Ham Everton vann og er nú fimm stigum frá fallsæti Sjá meira