Sport

Ronda Rousey missti næstum því fingurinn og skellti inn mynd sem er ekki fyrir viðkvæma

Óskar Ófeigur Jónsson skrifar
Ronda Rousey.
Ronda Rousey. Getty/Brandon Magnus

Bardagakonan Ronda Rousey er hörkutól og hefur sannað það margoft í búrinu á sínum bardagaferli. Hún ætlar líka ekkert að bregða út af þeirri venju sinni nú þegar hún reynir sig á nýju sviði sem leikkona.

Ronda Rousey missti næstum því fingurinn á fyrsta tökudegi hennar í sjónvarpsþáttunum „9-1-1“ sem eru að fara að hefja sitt þriðja vetur í bandarísku sjónvarpi. Rousey leikur slökkviliðskonu í þáttunum sem kallar ekki allt ömmu sína.



Rousey meiddist á tveimur fingrum í upptöku á fyrsta atriðinu sem hún átti að vera í en eins og sjá má hér fyrir neðan á þessari mynd á Instagram síðu hennar þá var annar fingranna mun verr farinn.



 
 
 
View this post on Instagram
So the word is out I nearly lost my finger shooting @911onfox. Freak accident, first take of the day a boat door fell on my hand, I thought I just jammed my fingers so I finished the take before looking (I know it sounds crazy, but I’m used to live audiences and never showing pain unless I’m supposed to) after a break in the action I told our director the situation and was rushed via ambulance to the hospital where they promptly reattached my bone and tendon with a plate and screws. I returned to filming the next day and finished my scenes before returning home to recover. Modern medicine amazes me, I already had 50% range of motion back in 3 days. There’s so much more than I can write here, stayed tuned via @rondarouseydotcom for the full story. And of course tune in to see how well I can act like my finger didn’t just fall off in this upcoming season of @911onfox
A post shared by rondarousey (@rondarousey) on



Það var langatöngin sem varð mun verr úti enda var Ronda Rousey nálægt því að missa hana. Hún fingurbrotnaði og sleit einnig sin. Fingurinn hékk nánast á skinninu.

Dyr á báti skelltust aftur og fingur hennar varð á milli. Það besta við söguna er að Ronda Rousey hélt áfram eins og ekkert hafði í skorist.

„Ég er vön að vera fyrir framan áhorfendur og sýna aldrei að ég finni til,“ sagði Ronda Rousey við TMZ en hún áttaði sig síðan á alvarleika meiðslanna og að fingurinn væri mögulega að fara að detta af.

Ronda Rousey var flutt á sjúkrahús eftir atriðið og þar þurfti að festa fingurinn og sauma sinina með plötu og skrúfum.

„Ég mætti í tökur strax daginn eftir og kláraði öll mín atriði áður en ég fór heim til að jafna mig,“ sagði Ronda Rousey.

MMA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.