Setja sig í annarra spor Gunnþóra Gunnarsdóttir skrifar 27. ágúst 2019 08:00 Ragnheiður, Alexandra og Fjóla Ósk sátu við að skrifa á umslög og handskrifa kort til leikskólanna . Fréttablaðið/Valli Nýrri bók sem nefnist Mía, Moli og Maríus – Vandræðasögur er ætlað að vera börnum og uppalendum þeirra verkfæri til að ræða aðstæður sem koma upp og ágreining í daglegu lífi leikskólabarna, að sögn Fjólu Aðalsteinsdóttur sem er meðhöfundur bókarinnar, ásamt Alexöndru Gunnlaugsdóttur, mágkonu hennar. Ragnheiður Jónsdóttir teiknaði myndirnar. Sögurnar fimm sem bókin geymir eru hugsaðar til upplesturs fyrir aldurinn þriggja til sex ára. Þær eiga það sameiginlegt að eftir friðsama byrjun kastast í kekki milli vinanna þriggja, Míu, Mola og Maríusar en á hápunkti ósamkomulagsins eiga upplesarar að snúa sér að hlustendum og fá þá til að tjá sig um líðan persónanna, hverrar fyrir sig. Þessi aðferð er hugsuð til þess að börnin geti sett sig í spor annarra í aðstæðunum „Þá skapast líka tækifæri til að opna fyrir samræður sem snúa að eigin reynslu barnanna og hjálpa þeim að orða tilfinningar sínar,“ segir Fjóla. „Svo er sagan dregin í land með farsælum endi!“ Fjóla býr í Vesterås í Svíþjóð og er hagfræðingur að mennt. Sérhæfing hennar innan atferlishagfæði kveikti áhuga hennar á því að nýta söguform til að efla tilfinningavitund hjá börnum, sjálf á hún sex ára tvíburadætur. „Alexandra er gift bróður mínum, þau búa í Danmörku og þegar við fórum í heimsókn til þeirra fyrir tæpum þremur árum kom í ljós að hún er búin að vera að þróa aðferðir í sínu starfi sem falla að þessu efni. Hún hefur unnið um árabil í alþjóðlegum leikskóla í Kaupmannahöfn og nýtt gráðu sína í uppeldissálfræði og rannsóknir á eineltisforvörnum til að þróa þá tækni sem beitt er í bókinni. Galdurinn er að fá börnin til að setja sig í spor annarra, læra að ígrunda eigin líðan og hegðun og skerpa þannig félagsfærni þeirra og samkennd.“ Teiknarinn Ragnheiður á karakterana að sögn Fjólu. „Hún býr á Íslandi en kom inn í vinnuferlið strax í upphafi, málaði myndirnar og á heiðurinn af því að bókin er jafn vegleg og hún er. Við erum búnar að kasta þessu verkefni á milli okkar yfir landamærin og taka vinnuskorpur saman þess á milli. Það hefur gengið mjög vel,“ lýsir hún. „Við fengum svo styrk frá Barnavinafélaginu Sumargjöf fyrir prentuninni og þess vegna er bókin á leið inn í alla leikskóla. Þeir sem hafa kynnst henni eru ánægðir með hana og telja hægt að hafa góð not af henni.“ Birtist í Fréttablaðinu Bókmenntir Börn og uppeldi Mest lesið Steldu stílnum af konunum í forsetaframboði Tíska og hönnun Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið Heitustu trendin fyrir sumarið 2024 Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Nýrri bók sem nefnist Mía, Moli og Maríus – Vandræðasögur er ætlað að vera börnum og uppalendum þeirra verkfæri til að ræða aðstæður sem koma upp og ágreining í daglegu lífi leikskólabarna, að sögn Fjólu Aðalsteinsdóttur sem er meðhöfundur bókarinnar, ásamt Alexöndru Gunnlaugsdóttur, mágkonu hennar. Ragnheiður Jónsdóttir teiknaði myndirnar. Sögurnar fimm sem bókin geymir eru hugsaðar til upplesturs fyrir aldurinn þriggja til sex ára. Þær eiga það sameiginlegt að eftir friðsama byrjun kastast í kekki milli vinanna þriggja, Míu, Mola og Maríusar en á hápunkti ósamkomulagsins eiga upplesarar að snúa sér að hlustendum og fá þá til að tjá sig um líðan persónanna, hverrar fyrir sig. Þessi aðferð er hugsuð til þess að börnin geti sett sig í spor annarra í aðstæðunum „Þá skapast líka tækifæri til að opna fyrir samræður sem snúa að eigin reynslu barnanna og hjálpa þeim að orða tilfinningar sínar,“ segir Fjóla. „Svo er sagan dregin í land með farsælum endi!“ Fjóla býr í Vesterås í Svíþjóð og er hagfræðingur að mennt. Sérhæfing hennar innan atferlishagfæði kveikti áhuga hennar á því að nýta söguform til að efla tilfinningavitund hjá börnum, sjálf á hún sex ára tvíburadætur. „Alexandra er gift bróður mínum, þau búa í Danmörku og þegar við fórum í heimsókn til þeirra fyrir tæpum þremur árum kom í ljós að hún er búin að vera að þróa aðferðir í sínu starfi sem falla að þessu efni. Hún hefur unnið um árabil í alþjóðlegum leikskóla í Kaupmannahöfn og nýtt gráðu sína í uppeldissálfræði og rannsóknir á eineltisforvörnum til að þróa þá tækni sem beitt er í bókinni. Galdurinn er að fá börnin til að setja sig í spor annarra, læra að ígrunda eigin líðan og hegðun og skerpa þannig félagsfærni þeirra og samkennd.“ Teiknarinn Ragnheiður á karakterana að sögn Fjólu. „Hún býr á Íslandi en kom inn í vinnuferlið strax í upphafi, málaði myndirnar og á heiðurinn af því að bókin er jafn vegleg og hún er. Við erum búnar að kasta þessu verkefni á milli okkar yfir landamærin og taka vinnuskorpur saman þess á milli. Það hefur gengið mjög vel,“ lýsir hún. „Við fengum svo styrk frá Barnavinafélaginu Sumargjöf fyrir prentuninni og þess vegna er bókin á leið inn í alla leikskóla. Þeir sem hafa kynnst henni eru ánægðir með hana og telja hægt að hafa góð not af henni.“
Birtist í Fréttablaðinu Bókmenntir Börn og uppeldi Mest lesið Steldu stílnum af konunum í forsetaframboði Tíska og hönnun Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið Heitustu trendin fyrir sumarið 2024 Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira