Kólumbískur strákur með magnað mark eftir að hafa leikið á sjö mótherja

Anderson Díaz sýndi heldur betur snilli sína með boltann þegar hann skoraði magnað mark í leik með Norte de Santander í kólumbísku deildinni fyrir lið skipuðum leikmönnum 21 árs og yngri.

Anderson Díaz og félagar í Norte de Santander þurftu reyndar að sætta sig við tap í leiknum en mark stráksins hefur sigrað Internetið í dag.

Markmið kom á 55. mínútu leiksins þegar staðan var 1-1. Anderson Díaz fékk boltann á miðjum vallarhelmingi og lagði af stað í átt að markinu.

Hann lék á fimm varnarmenn þar á meðal klobbaði hann þann síðasta áður en hann lék síðan á markvörðinn og plataði síðan einn varnarmann til viðbótar á marklínunni.

Anderson Díaz hafði þar með leikið á sjö mótherja áður en hann þrumaði boltanum í markið af marklínunni.

Það má búast við að þetta mark komi til greina á þegar FIFA gefur Puskas verðlaunin fyrir flottast fótboltamark ársins.

Markið hans má sjá hér fyrir neðan.

Norte de Santander's Anderson Díaz scored a solo goal to remember in the Colombian Under-21 championship – but his team went on to lose the match pic.twitter.com/tuqE3XdK9Q

— Guardian sport (@guardian_sport) August 15, 2019