Fótbolti

Coutinho kynntur hjá Bayern á morgun?

Arnar Geir Halldórsson skrifar
Stutt stopp í Barcelona
Stutt stopp í Barcelona vísir/getty
Allt bendir til þess að brasilíski knattspyrnumaðurinn Philippe Coutinho verði kynntur sem nýr leikmaður Þýskalandsmeistara Bayern Munchen á morgun.

Coutinho yfirgaf Liverpool til að ganga í raðir Barcelona í ársbyrjun 2018 og talaði þá um Barcelona sem félag drauma sinna. Nú virðist hann hins vegar vera að yfirgefa Katalóniurisann fyrir þýsku meistarana.





Coutinho var ekki í leikmannahópi Barcelona þegar liðið beið lægri hlut fyrir Athletic Bilbao í 1.umferð La Liga á föstudagskvöld og var mættur til Munchen í morgun.

Samkvæmt fréttum frá Þýskalandi gekkst Coutinho undir læknisskoðun í dag og ef ekkert slæmt hefur komið í ljós þar má ætla að hann verði kynntur til leiks hjá Þýskalandsmeisturunum á morgun.

Coutinho hefur skorað 21 mark í 76 leikjum með Barcelona en hann mun verða lánaður fyrst um sinn með ákvæði um forkaupsrétt Bayern á þessum 27 ára gamla leikmanni.

Þýski boltinn

Mest lesið


Fleiri fréttir

Sjá meira


×

Mest lesið