Íslenski boltinn

Víkingur ekki unnið deildarleik í Kaplakrika á þessari öld

Anton Ingi Leifsson skrifar
Úr fyrri leik liðanna í sumar.
Úr fyrri leik liðanna í sumar. vísir/vilhelm
FH og Víkingur mætast í kvöld í síðasta leik tíundu umferð Pepsi Max-deildar karla er liðin mætast á glæsilegum Kaplakrikavelli klukkan 19.15 í kvöld.

Þegar litið er á síðustu leiki þessara liða í Hafnarfirði má sjá að Víkingar hafa ekki riðið feitum hesti frá viðureignum sínum í Krikanum.

Á þessari öld hafa Víkingar einungis unnið einn leik í Kaplakrika og það var í VISA-bikarnum árið 2006. Þá vann liðið 2-1 sigur með tveimur mörkum frá Höskuldi Eiríkssyni sem síðar meir lék með FH.







Liðin hafa mæst tíu sinnum í deildinni á þessari öld. Fimleikafélagið hefur unnið fimm af þessum tíu viðureignum og fimm leikjanna hafa endað með jafntefli.

Markatalan er því eðlilega FH í hag, 20-8, en í fimm af tíu leikjum liðanna í deildinni á þessari öld hefur FH náð að halda hreinu.

Það verður því fróðlegt að fylgjast með leik liðanna í kvöld en FH hefur verið í miklum vandræðum að undanförnu og ekki unnið leik í Pepsi Max-deildinni síðan 20. maí.





Flautað verður til leiks í Kaplakrika klukkan 19.15 en bein útsending á Stöð 2 Sport hefst klukkan 18.55. Pepsi Max-mörkin verða svo strax að leik loknum.

Leikir liðanna í deildinni í Kaplakrika á þessari öld:

FH - Víkingur R. 2-2 (tímabilið 2000)

FH - Víkingur R. 0-0 (tímabilið 2004)

FH - Víkingur R. 4-0 (tímabilið 2006)

FH - Víkingur R. 4-1 (tímabilið 2007)

FH - Víkingur R. 1-1 (tímabilið 2011)

FH - Víkingur R. 1-0 (tímabilið 2014)

FH - Víkingur R. 1-0 (tímabilið 2015)

FH - Víkingur R. 2-2 (tímabilið 2016)

FH - Víkingur R. 2-2 (tímabilið 2017)

FH - Víkingur R. 3-0 (tímabilið 2018)

FH sigrar: Fimm sigrar

Jafntefli: Fimm jafntefli

Markatala: 20-8

Leikir liðanna í bikarkeppni á þessari öld í Kaplakrika:

FH - Víkingur R. 1-2 (tímabilið 2006)

Pepsi Max-deild karla

Mest lesið


Fleiri fréttir

Sjá meira


×

Mest lesið