Erlent

Cuba Gooding yngri handtekinn vegna áreitni

Kjartan Kjartansson skrifar
Lögreglumenn leiða Gooding í járnum út í bíl.
Lögreglumenn leiða Gooding í járnum út í bíl. Vísir/Getty

Lögreglan í New York handtók leikarann Cuba Gooding yngri í dag en hann er grunaður um að hafa hafa snert konu án leyfis hennar á skemmtistað á sunnudagskvöld. Leikarinn er sagður hafa gefið sig sjálfur fram við lögreglu eftir að konan kærði hann.

Lögmaður Gooding segir að myndbandsupptökur af skemmtistaðnum sýni fram á sakleysi hans. Ekki hafi örlað á neinu óviðeigandi af hans hálfu. Gooding hafnaði ásökuninni einnig í viðtali við slúðursíðu í gær, að því er segir í frétt Washington Post.

„Það er upptaka af því sem gerðist í raun. Það er það mikilvægasta,“ sagði hann.

Gooding hlaut Óskarsverðlaun fyrir leik sinn í kvikmyndinni „Jerry Maguire“ árið 1997.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×