Sjáðu hvernig Messi og Suarez fóru með Liverpool

Barcelona vann 3-0 sigur á Liverpool í fyrri undanúrslitaleik liðanna í Meistaradeild Evrópu á Nou Camp í kvöld.

Leikurinn var bráðfjörugur frá upphafi til enda en það voru aðeins heimamenn sem náðu að setja knöttinn í netið.

Luis Suarez skoraði sitt fyrsta Meistaradeildarmark síðan fyrir ári síðan þegar hann braut ísinn eftir um hálftíma leik.

Lionel Messi gerði annað mark Börsunga á 75. mínútu og bætti svo því þriðja við stuttu seinna með stórbrotnu marki beint úr aukaspyrnu.

Þar við sat og er Barcelona í vænlegri stöðu fyrir seinni leikin.

Mörkin þrjú má sjá í spilaranum hér að neðan.