Pepsi Max-mörkin: Elfar Freyr sparkaði í afturenda fyrirliða HK

Blikinn Elfar Freyr Helgason missti sig aðeins í gleðinni er Breiðablik skoraði dramatískt jöfnunarmark gegn HK um síðustu helgi.

Elfar fagnaði markinu eins og óður maður og byrjaði á því að sparka nokkuð fast í rassinn á Leifi Andra Leifssyni, fyrirliða HK, og svo virtist hann stríða markverði HK áður en hann neglir boltanum í burtu.

„Hann rekst þarna í bakið á mér og ég veit ekki hvort þetta kallast að sparka í liggjandi mann. Það var samt meira högg að fá markið á okkur,“ sagði Leifur Andri í Pepsi Max-mörkunum í gær en hann vildi ekki gera mikið úr atvikinu sem má sjá hér að neðan.