Inter vill Sanchez en launapakkinn margfalt minni en hann fær á Old Trafford

Inter Milan hefur áhuga á að klófesta Alexis Sanchez frá Manchester United en hann er talinn vera á útsölulista hjá þeim rauðklæddu á Englandi.

Gazetta dello Sport miðillinn á Ítalíu greinir frá þessu en Sanchez hefur verið mikil vonbrigði hjá United frá því að hann gekk í raðir félagsins frá Arsenal fyrir einu og hálfu ári.

Inter Milan are prepared to offer Alexis Sánchez a way out of Manchester United but he'll have to take a pay-cut. (Source: Gazzetta dello Sport) pic.twitter.com/4Rg5YFbD84

— Transfer News Live (@DeadlineDayLive) May 9, 2019

Sánchez er heldur ekki á neinum láglaunataxta og vill United losna við ofurlaun hans af launaskrám félagsins. Nú hefur Inter komið til sögunnar en fari hann þangað verður hann að lækka laun sín svo um munar.

Sílemaðurinn hefur spilað tuttugu leiki fyrir United í úrvalsdeildinni þetta tímabilið en uppskeran hefur ekki verið mikil; eitt mark og þrjár stoðsendingar. Mínúturnar hafa þó samtals verið einugis 887 mínútur.

Ole Gunnar Solskjær, stjóri United, hefur talað mikið um að hreinsað verði til í sumar og eru allar líkur á því að Sanchez yfirgefi Manchester.