Jafntefli í fyrsta leik Arnars Þórs og Eiðs Smára með U-21 árs liðið

Ungmennalið Íslands og Tékklands skildu jöfn, 1-1, í vináttulandsleik á Spáni í dag.

Fyrri hálfleikur var hraður og skemmtilegur en dauðafærin voru af skornum skammti. Markalaust í leikhléi.

Um miðjan síðari hálfleik komst íslenska liðið þó yfir. Falleg sending Alex Þórs Haukssonar sigldi þá í gegnum allan teiginn og endaði fjærhorninu á marki Tékka.

Okkar menn vörðu ekki forskotið lengi því um fimm mínútum síðar voru þeir gripnir í bólinu. Tékkar tóku hraða hornspyrnu og íslensku strákarnir voru steinsofandi. Þeir komu boltanum fljótt í teiginn á galopinn mann sem kláraði færið vel. Einbeitingarleysi sem kostaði liðið þetta mark.

Tékkar voru nær því að ná inn sigurmarki en allt kom fyrir ekki. Lokatölur 1-1. Strákarnir mæta svo Katar á mánudag.

Byrjunarlið Íslands í leiknum við Tékkland:

Patrik Sigurður Gunnarsson, Brentford (Markvörður)

Alfons Sampsted, IFKNorrköping

Torfi Tímoteus Gunnarsson, KA

Axel Óskar Andrésson, Viking

Alex Þór Hauksson, Stjörnunni

Jón Dagur Þorsteinsson, Vendsyssel (Fyrirliði)

Hörður Ingi Gunnarsson, ÍA

Sveinn Aron Guðjohnsen, Ravenna

Willum Þór Willumsson, BateBorisov

Dagur Dan Þórhallsson, Mjolndalen

Kolbeinn Birgir Finnsson, Brentford

Aðrir í hópnum eru:

Elías Rafn Ólafsson, FCMidtjylland

Mikael NevilleAnderson, Excelsior

Ari Leifsson, Fylki

Kristófer Ingi Kristinsson, WillemII

Daníel Hafsteinsson, KA

Stefán Teitur Þórðarson, ÍA

Jónatan Ingi Jónsson, FH

Brynjólfur Darri Willumsson, Breiðabliki

Hjalti Sigurðsson, KR