Sjáðu allt sem gerðist á bak við tjöldin þegar Liverpool goðsagnirnar mættu aftur á Anfield

Liverpool goðsögnin Steven Gerrard minnti á sig um síðustu helgi þegar hann tryggði goðsagnaliði Liverpool 3-2 sigur á goðsögnum AC Milan með glæsilegu marki í góðgerðaleik á Anfield.

Í liði AC Milan voru menn eins og Kaka, Andrea Pirlo, Paolo Maldini, Cafu og Alessandro Nesta en með Steven Gerrard í Liverpool spiluðu kappar eins og Jamie Carragher, Dirk Kuyt, Sami Hyypia, Daniel Agger, Michael Owen, Steve McManaman og Robbie Fowler svo einhverjir séu nefndir.

Sigurmark Steven Gerrard kom fyrir framan Kop stúkuna sem skemmdi nú ekki upplifunina. Robbie Fowler og Djibril Cisse komu Liverpool í 2-0 en aukaspyrnumark Andrea Pirlo og flott afgreiðsla Giuseppe Pancaro jöfnuðu metin.

Stevie's stunner

Behind-the-scenes with the Legends

Brilliant moments in the tunnel

This very unique Inside Anfield is not to be missed

— Liverpool FC (@LFC) March 27, 2019

Alls voru átta leikmenn í þessu goðsagnaliði Liverpool sem tóku þátt í að tryggja liðinu Meistaradeildarbikarinn eftir dramatískan sigur á AC Milan í Istanbul.

Allar tekjur af leiknum fór til LFC Foundation sem eru góðgerðasamtök félagsins.

Eins og venjan er með leiki á Anfield á þessu tímabili þá fá mennirnir frá LFCTV að vera með myndvélarnar á lofti á bak við tjöldin. Farið er í gegnum allan leikinn þar sem sjá má sjónarhorn frá öðrum stöðum en vanalega er boðið upp í sjónvarpsútsendingunum.

Fyrstir út úr Liverpool-rútunni voru þeir Ian Rush og Sir Kenny Dalglish sem stýrðu liðinu í þessum skemmtilega leik.

Við fáum að sjá leikmennina inn í klefa, leikmenn að gefa stuðningsmönnum eiginhandaráritanir og leikmenn að taka myndir af sér og öðrum eflaust fyrir samfélagsmiðlana sína.

Svo er farið í gegnum allan leikinn og að lokum sýndar senurnar eftir hann þegar áhorfendur fögnuðu leikmönnum liðanna og þökkuðu þeim fyrir mikla skemmtun. Það var einn kátur stuðningsmaður Liverpool sem fékk skóna hans Steven Gerrard gefins.

Spurning hvort að þetta sé síðasta markið sem Steven Gerrard skori á Anfield þannig að þessir skór gætu verið mjög verðmætir fyrir þennan unga pilt.

Hér fyrir neðan má sjá yfirlit Inside Anfield um goðsagnaleik Liverpool og AC Milan.