Kaka: Ronaldo vill ennþá gera betur en Messi

Ricardo Kaka, fyrrum knattspyrnumaður, segir að það komi sér lítið á óvart að Ronaldo skuli ennþá vera að spila svona vel þrátt fyrir að vera orðinn 34 ára.

 

Cristiano Ronaldo skoraði þrennu í vikunni til þess að hjálpa Juventus að komast áfram í átta lið úrslit Meistaradeildarinnar eftir að liðið tapaði fyrri leiknum 2-0. 

 

Kaka spilaði með Ronaldo hjá Real Madrid en hann segist ekki vera hissa yfir stöðuleika Ronaldo. Hann segir einnig að Lionel Messi haldi honum alltaf á tánum.

 

„Þetta form hans kemur mér ekkert á óvart, jafnvel þó svo hann sé kominn á þennan aldur.“

 

„Ég held líka að samkeppnin við Messi spili stórt hlutverk í þessu, þessi löngun hans til þess alltaf að gera betur en hann er ennþá til staðar á þessum aldri.“