Danijel Dejan með bæði mörk íslenska liðsins og 5. sætið er strákanna

Íslenska sautján ára landsliðið í knattspyrnu tryggði sér fimmta sætið á mótinu í Hvíta Rússlandi í morgun eftir 2-1 sigur á Tadsíkistan.

Blikinn Danijel Dejan Djuric skoraði bæði mörk Íslands í síðari hálfleik.

Fyrra markið skoraði Danijel Dejan með laglegu skoti úr teignum á 51. mínútu eftir frábæran undirbúning frá Skagamanninum Hákoni Arnari Haraldssyni.

Hákon Aron fékk þá boltann frá Valgeir Valgeirssyni, lék á einn varnarmann og renndi boltanum á Danijel Dejan sem var alveg frír í teignum. Markið má sjá eftir 1:17:44 í myndbandinu hér fyrir neðan.

Seinna markið skoraði Danijel Dejan á 60. mínútu og nú með skalla af örstuttu færi eftir aðra stoðsendingu frá Hákoni.  Markið má sjá eftir 1:27:00 í myndbandinu hér fyrir neðan.