Missti dóttur í síðustu viku en spilar um helgina
Síðustu vikur hafa verið erfiðar í lífi Brandon Mebane sem spilar með LA Chargers í NFL-deildinni.
Eiginkona hans fæddi þeim dóttur, Makenna, í nóvember en stúlkan fæddist langt fyrir tímann. Ástand hennar var alvarlegt frá upphafi og hún féll frá fyrir sléttri viku síðan.
„Ástand hennar var ekkert að lagast og við urðum að taka ákvörðun. Það blæddi úr maganum og þegar reynt var að næra hana fór það ekki heldur vel,“ sagði Mebane sem reynir að bera sig vel á erfiðum tímum.
Words are hard to come by with the passing of Brandon Mebane’s infant daughter, Makenna.
We are heartbroken.
Please join us in keeping Brandon, and his family, in your thoughts and prayers.
— Los Angeles Chargers (@Chargers) January 9, 2019
Mebane missti af leik Chargers gegn Baltimore um síðustu helgi en hefur staðfest að hann muni spila með liðinu gegn New England Patriots um helgina.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
