Aðstæður miklu betri hérna í Hollandi en ég hef áður vanist Hjörvar Ólafsson skrifar 8. janúar 2019 17:30 Anna Björk við undirskriftina í gær en hún verður í treyju númer 23. mynd/psv Anna Björk Kristjánsdóttir, landsliðskona í knattspyrnu, gekk í gær í raðir hollenska liðsins PSV Eindhoven. Við sama tilefni var belgíska landsliðskonan Davinia Vanmechelen kynnt til leiks hjá hollenska liðinu, en hún kemur frá franska stórliðinu PSG. Liðið var sett á laggirnar árið 2012 og hefur síðan þá farið tvisvar sinnum í úrslitaleik bikarkeppninnar þar sem liðið laut í lægra haldi í bæði skiptin. Liðið er hins vegar á góðri leið með að tryggja sér hollenska meistaratitilinn í vor, en besti árangur liðsins í efstu deildinni til þessa er þriðja sæti. Anna Björk kemur til liðsins frá sænska liðinu Limhamn Bunkeflo, en þessi öflugi varnarmaður gaf það út eftir að síðustu leiktíð lauk í Svíþjóð að hún hygðist róa á önnur mið. Nú er komið í ljós hver næsti áfangastaður hennar verður. Auk þess að hafa leikið með Limhamn Bunkeflo hefur hún leikið með Örebro og þar áður KR og Stjörnunni. Þá hefur hún leikið 40 landsleiki fyrir Íslands hönd. Anna Björk er að ganga til liðs við lið sem trónir á toppi hollensku efstu deildarinnar þegar 14 umferðir hafa verið leiknar af 24, en liðið hefur fjögurra stiga forskot á Twente á meðan hlé er á deildarkeppninni þar í landi. Fyrirkomulagið í Hollandi er þannig að lið verða deildarmeistarar og eftir að deildarkeppninni lýkur leika fimm efstu liðin í úrslitakeppni um hollenska meistaratitilinn. Keppni hefst aftur í hollensku deildinni 1. febrúar, en Anna Björk hóf æfingar með PSV í gær og heldur til Marbella á Spáni í dag. Þar verður liðið við æfingar næstu daga og undirbýr sig fyrir lokasprettinn. „Ég hóf viðræður við PSV Eindhoven um miðjan október og var búin að ákveða að semja við liðið um miðjan desember. Það var svo gengið endanlega frá þessu í gær. Um leið og ég skoðaði aðstæður hérna í Eindhoven þá leist mér gríðarlega vel á að ganga til liðs við félagið og það skemmdi ekki fyrir að forráðamenn liðsins sýndu mér mikinn áhuga,“ segir Anna í samtali við Fréttablaðið um vistaskiptin. „Það er himinn og haf á milli þeirra aðstæðna sem að ég er vön að æfa við í Svíþjóð og PSV Eindhoven býður upp á fyrir kvennaliðið sitt. Við æfum á frábærum æfingavelli sem er við hliðina á þeim sem karlarnir æfa á. Við fáum sams konar aðbúnað að öllu leyti og karlarnir sem er auðvitað bara eðlilegt, en því hefur ekki alltaf verið til að dreifa hjá þeim félögum sem ég hef verið að spila fyrir. Það eru allir leikmenn liðsins fyrir utan einn atvinnumenn og gera ekkert annað en að einbeita sér að knattspyrnu. Hér er allt til alls til þess að æfa á morgnana og í hádeginu, þannig að ég sé fyrir mér að bæta mig umtalsvert,“ segir hún um nýja liðið sitt. „Það er mikill metnaður hjá liðinu að gera vel heima fyrir og síðan í Meistaradeild Evrópu á næstu árum og það er mikill uppgangur í hollenskri kvennaknattspyrnu. Það heillaði mig líka að spila í vetrardeild sem leikin er á lengra tímabili en gerist og gengur í Skandinavíu. Ég er að koma til liðsins þegar tæpur mánuður er í fyrsta leik hjá liðinu sem er góður tímapunktur. Hér er ætlast til þess að ég festi mig í sessi í vörn liðsins, en ég þarf að berjast fyrir sæti mínu þar sem vel hefur gengið á fyrri hluta tímabilsins. Ég samdi út þessa leiktíð, en þeir hafa hug á að semja við mig út næstu leiktíð einnig og ég þarf að svara áður en þessu tímabili lýkur hvort ég vilji vera hér áfram. Það kemur klárlega vel til greina miðað við fyrstu kynni mín af félaginu,“ segir hún um framhaldið. Birtist í Fréttablaðinu Fótbolti Mest lesið Bönnuðu henni að eiga kærasta Sport Lögreglan kórónaði ömurlegan dag hjá Kane Körfubolti Tileinkar látnum vini sínum sögulegan árangur: „Bjarki, þetta var fyrir þig“ Sport Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Íslenski boltinn Arnar Gunnlaugs og Óskar Hrafn vinna saman í sumar Fótbolti Sá sem handtók Scheffler fylgdi ekki verkreglum en ákærurnar standa Golf Allir á eitt við erfiðar aðstæður: „Þetta tók alveg á“ Íslenski boltinn KA-menn kölluðu eftir hjálp sálfræðings Íslenski boltinn Albert lagði upp mark í sigri Fótbolti Xavi hætti við að hætta en hefur nú verið rekinn frá Barcelona Fótbolti Fleiri fréttir Alexandra hársbreidd frá bikarmeistaratitli en Fiorentina tapaði í vító Leik lokið: Þór/KA - Tindastóll 5-0 | Þór/KA í stuði í Boganum Spútnikliðið endaði sögulegt tímabil á stórsigri Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Albert lagði upp mark í sigri Íslensku Feneyjarstrákarnir í úrslitaeinvígið Uppgjör og viðtöl: Stjarnan-Fylkir 2-1 | Stjörnukonur að komast í gang Andri Fannar fagnaði í Íslendingaslag Arnar Gunnlaugs og Óskar Hrafn vinna saman í sumar Lykilmaður Real Madrid missir af úrslitaleik Meistaradeildarinnar Juventus neitar að endurgreiða Ronaldo vangoldin laun Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ Segja að Ten Hag verði rekinn sama hvernig úrslitaleikurinn fer Pioli látinn taka poka sinn „Ekkert skemmtilegra en að vinna Val“ Fernandes eyðir óvissunni: „Ég vil ekki fara“ Xavi hætti við að hætta en hefur nú verið rekinn frá Barcelona Rooney gæti fengið nýtt starf þrátt fyrir hræðilegan árangur síðast Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Nýkominn til baka eftir sjö mánaða bann en er samt í EM-æfingahóp Ísak og félagar með annan fótinn í deild þeirra bestu Fjölnismenn á toppinn í Lengjunni Harry Maguire missir af bikarúrslitaleiknum Bleik spjöld tekin í notkun á Copa América Senda atkvæði sín með pósti frá EM í Þýskalandi Áhorfendur slógust úti á velli og stól kastað í sjónvarpsmenn Paquetá ákærður fyrir að sækjast eftir spjaldi í eigin leikjum Motta tekur við Juventus Sjá meira
Anna Björk Kristjánsdóttir, landsliðskona í knattspyrnu, gekk í gær í raðir hollenska liðsins PSV Eindhoven. Við sama tilefni var belgíska landsliðskonan Davinia Vanmechelen kynnt til leiks hjá hollenska liðinu, en hún kemur frá franska stórliðinu PSG. Liðið var sett á laggirnar árið 2012 og hefur síðan þá farið tvisvar sinnum í úrslitaleik bikarkeppninnar þar sem liðið laut í lægra haldi í bæði skiptin. Liðið er hins vegar á góðri leið með að tryggja sér hollenska meistaratitilinn í vor, en besti árangur liðsins í efstu deildinni til þessa er þriðja sæti. Anna Björk kemur til liðsins frá sænska liðinu Limhamn Bunkeflo, en þessi öflugi varnarmaður gaf það út eftir að síðustu leiktíð lauk í Svíþjóð að hún hygðist róa á önnur mið. Nú er komið í ljós hver næsti áfangastaður hennar verður. Auk þess að hafa leikið með Limhamn Bunkeflo hefur hún leikið með Örebro og þar áður KR og Stjörnunni. Þá hefur hún leikið 40 landsleiki fyrir Íslands hönd. Anna Björk er að ganga til liðs við lið sem trónir á toppi hollensku efstu deildarinnar þegar 14 umferðir hafa verið leiknar af 24, en liðið hefur fjögurra stiga forskot á Twente á meðan hlé er á deildarkeppninni þar í landi. Fyrirkomulagið í Hollandi er þannig að lið verða deildarmeistarar og eftir að deildarkeppninni lýkur leika fimm efstu liðin í úrslitakeppni um hollenska meistaratitilinn. Keppni hefst aftur í hollensku deildinni 1. febrúar, en Anna Björk hóf æfingar með PSV í gær og heldur til Marbella á Spáni í dag. Þar verður liðið við æfingar næstu daga og undirbýr sig fyrir lokasprettinn. „Ég hóf viðræður við PSV Eindhoven um miðjan október og var búin að ákveða að semja við liðið um miðjan desember. Það var svo gengið endanlega frá þessu í gær. Um leið og ég skoðaði aðstæður hérna í Eindhoven þá leist mér gríðarlega vel á að ganga til liðs við félagið og það skemmdi ekki fyrir að forráðamenn liðsins sýndu mér mikinn áhuga,“ segir Anna í samtali við Fréttablaðið um vistaskiptin. „Það er himinn og haf á milli þeirra aðstæðna sem að ég er vön að æfa við í Svíþjóð og PSV Eindhoven býður upp á fyrir kvennaliðið sitt. Við æfum á frábærum æfingavelli sem er við hliðina á þeim sem karlarnir æfa á. Við fáum sams konar aðbúnað að öllu leyti og karlarnir sem er auðvitað bara eðlilegt, en því hefur ekki alltaf verið til að dreifa hjá þeim félögum sem ég hef verið að spila fyrir. Það eru allir leikmenn liðsins fyrir utan einn atvinnumenn og gera ekkert annað en að einbeita sér að knattspyrnu. Hér er allt til alls til þess að æfa á morgnana og í hádeginu, þannig að ég sé fyrir mér að bæta mig umtalsvert,“ segir hún um nýja liðið sitt. „Það er mikill metnaður hjá liðinu að gera vel heima fyrir og síðan í Meistaradeild Evrópu á næstu árum og það er mikill uppgangur í hollenskri kvennaknattspyrnu. Það heillaði mig líka að spila í vetrardeild sem leikin er á lengra tímabili en gerist og gengur í Skandinavíu. Ég er að koma til liðsins þegar tæpur mánuður er í fyrsta leik hjá liðinu sem er góður tímapunktur. Hér er ætlast til þess að ég festi mig í sessi í vörn liðsins, en ég þarf að berjast fyrir sæti mínu þar sem vel hefur gengið á fyrri hluta tímabilsins. Ég samdi út þessa leiktíð, en þeir hafa hug á að semja við mig út næstu leiktíð einnig og ég þarf að svara áður en þessu tímabili lýkur hvort ég vilji vera hér áfram. Það kemur klárlega vel til greina miðað við fyrstu kynni mín af félaginu,“ segir hún um framhaldið.
Birtist í Fréttablaðinu Fótbolti Mest lesið Bönnuðu henni að eiga kærasta Sport Lögreglan kórónaði ömurlegan dag hjá Kane Körfubolti Tileinkar látnum vini sínum sögulegan árangur: „Bjarki, þetta var fyrir þig“ Sport Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Íslenski boltinn Arnar Gunnlaugs og Óskar Hrafn vinna saman í sumar Fótbolti Sá sem handtók Scheffler fylgdi ekki verkreglum en ákærurnar standa Golf Allir á eitt við erfiðar aðstæður: „Þetta tók alveg á“ Íslenski boltinn KA-menn kölluðu eftir hjálp sálfræðings Íslenski boltinn Albert lagði upp mark í sigri Fótbolti Xavi hætti við að hætta en hefur nú verið rekinn frá Barcelona Fótbolti Fleiri fréttir Alexandra hársbreidd frá bikarmeistaratitli en Fiorentina tapaði í vító Leik lokið: Þór/KA - Tindastóll 5-0 | Þór/KA í stuði í Boganum Spútnikliðið endaði sögulegt tímabil á stórsigri Uppgjörið, viðtöl og myndir: Breiðablik-Valur 2-1 | Endurkomusigur hjá Blikum Albert lagði upp mark í sigri Íslensku Feneyjarstrákarnir í úrslitaeinvígið Uppgjör og viðtöl: Stjarnan-Fylkir 2-1 | Stjörnukonur að komast í gang Andri Fannar fagnaði í Íslendingaslag Arnar Gunnlaugs og Óskar Hrafn vinna saman í sumar Lykilmaður Real Madrid missir af úrslitaleik Meistaradeildarinnar Juventus neitar að endurgreiða Ronaldo vangoldin laun Blikar högnuðust um 105 milljónir króna „Margir hlutir sem spila inn í en fyrst og fremst þessi hefð og menning“ Segja að Ten Hag verði rekinn sama hvernig úrslitaleikurinn fer Pioli látinn taka poka sinn „Ekkert skemmtilegra en að vinna Val“ Fernandes eyðir óvissunni: „Ég vil ekki fara“ Xavi hætti við að hætta en hefur nú verið rekinn frá Barcelona Rooney gæti fengið nýtt starf þrátt fyrir hræðilegan árangur síðast Allir á eitt við erfiðar aðstæður: „Þetta tók alveg á“ KA-menn kölluðu eftir hjálp sálfræðings Nýkominn til baka eftir sjö mánaða bann en er samt í EM-æfingahóp Ísak og félagar með annan fótinn í deild þeirra bestu Fjölnismenn á toppinn í Lengjunni Harry Maguire missir af bikarúrslitaleiknum Bleik spjöld tekin í notkun á Copa América Senda atkvæði sín með pósti frá EM í Þýskalandi Áhorfendur slógust úti á velli og stól kastað í sjónvarpsmenn Paquetá ákærður fyrir að sækjast eftir spjaldi í eigin leikjum Motta tekur við Juventus Sjá meira