Van Dijk: Frábært kvöld og magnað að skora

Virgil van Dijk, varnarmaður Liverpool, skoraði eitt marka Liverpool í kvöld er rauðklædda Bítlaborgarfélagið komst áfram í átta liða úrslit Meistaradeildarinnar með 3-1 sigri á Bayern Munchen.

„Þetta er frábært kvöld. Við vissum að þetta yrði erfitt því þeir eru með frábært lið með frábæra leikmenn,“ sagði markaskorarinn í kvöld.

„Við vorum óheppnir er þeir jöfnuðu metin en við kláruðum dæmið og erum komnir í átta liða úrslitin,“ en Van Dijk var ánægður með markð sitt:

„Þetta var mjög mikilvægt og það er magnað að skora,“ sagði Van Dijk. James Milner var einnig í viðtalinu með Van Dijk og hann skaut aðeins á liðsfélaga sinn:

„Þessi gaur (Van Dijk) skoraði aftur. Til þess að vera hreinskilinn ætti hann að nýta hæðina betur!,“ grínaðist Van Dijk. Milner hélt svo áfram:

„Þetta voru góð úrslit. Við spiluðum ekki okkar besta leik en við vörðumts vel og komumst áfram,“ en fjögur ensk lið eru komin áfram í átta liða úrslitin.

„Það er gott fyrir enskan fótbolta. Þetta er það sem þú vilt. Við vitum ekki hverjum við mætum í næstu umferð en okkur líðan vel frá síðasta ári svo vonandi komumst við sem lengst,“ sagði Milner.