Berglind og Anna skoruðu báðar í fyrsta leiknum með PSV

Berglind Björg Þorvaldsdóttir og Anna Björk Kristjánsdóttir voru báðar á skotskónum í 4-0 sigri PSV gegn Zwolle í hollensku úrvalsdeildinni í körfubolta.

Anna Björk samdi við PSV í byrjun janúar og í síðustu viku var það svo staðfest að Berglind myndi ganga í raðir liðsins á láni fram í maí en þá hefst tímabilið í Pepsi-deild kvenna þar sem Berglind spilar með Breiðablik.

Staðan var orðin 2-0 í hálfleik en Anna Björk hafði þá skorað bæði mörk liðsins. PSV komst í 3-0 er stundarfjórðungur var til leiksloka og þremur mínútum fyrir leikslok var það Berglind Björg sem innsiglaði sigurinn.

PSV er á toppnum í Hollandi með öruggt forskot á Twente.