Hinsegin fólk fagnar áfangasigri

Stjórnvöld á Indlandi tóku stórt skref í réttindabaráttu hinsegin fólks þar í landi í vikunni þegar ákveðið var að Hæstiréttur landsins skyldi ákvarða hvort leyfa ætti kynlíf einstaklinga af sama kyni, sem er enn ólöglegt í landinu.

Fjöldi samkynja para leitar nú réttar síns fyrir Hæstarétti. Samkvæmt lögum frá 1861 er kynlif þeirra glæpur sem varðar 10 ára fangelsisvist.

Ríkisstjórnin setti ákvörðunina í hendur Hæstaréttar og lofaði að una niðurstöðu réttarins. Þetta þykir gleðiefni á Indlandi og er talið líklegt að rétturinn samþykki að kynlíf milli tveggja samþykkra fullorðinna einstaklinga verði löglegt.