Sport

Sparkari Ravens syngur eins og engill | Myndband

Henry Birgir Gunnarsson skrifar
Tucker gæti hæglega unnið fyrir sér sem söngvari. Þvílíkar pípur.
Tucker gæti hæglega unnið fyrir sér sem söngvari. Þvílíkar pípur.
Rapparinn LL Cool J. stóð fyrir mjög skemmtilegum raunveruleikaþætti á meðal leikmanna NFL-deildarinnar þar sem þeir sýndu hæfileika sína utan vallarins.

Sigurvegari þáttarins var hinn magnaði sparkari Baltimore Ravens, Justin Tucker, en hann er stórkostlegur söngvari. Hér að neðan má sjá hann rúlla upp Ave Maria í beinni í þættinum.





Í úrslitunum keppti Tucker við Jonathan Stewart, hlaupara Carolina Panthers, og Kevin Zeitler, varnarmann Cleveland Browns.

Keppnin var hörð og Stewart sýndi að hann er ansi magnaður á píanóinu. Þessum strákum er margt til lista lagt.





Alls tóku 32 leikmenn úr NFL-deildinni þátt í þessari hæfileikakeppni og áhorfendur völdu síðan þá bestu til þess að taka þátt í úrslitaþætti sem stóð heldur betur undir væntingum.

Tucker hefur margoft sýnt að hann er frábær undir pressu og hann hreinlega blómstraði í þessum hæfileikaþætti.





NFL

Mest lesið


Fleiri fréttir

Sjá meira


×

Mest lesið