U-19 ára lið Íslands tapaði gegn Englandi

Íslenska landsliðið skipað leikmönnum 19 ára og yngri tapaði gegn jafnöldrum sínum frá Englandi í undankeppni Evrópumótsins.



Englendingar komust yfir í leiknum en Keflvíkingurinn Ísak Óli Ólafsson jafnaði leikinn á 34. mínútu.



Englendingar reyndust sterkari í síðari hálfleik og bættu þeir við tveimur mörkum. Lokatölur því 3-1.



Fyrir leikinn sátu liðin á toppi riðilsins, en bæði lið fóru með sigur af hólmi í fyrstu umferð. Íslendingar unnu þá Tyrki, 2-1 en England vann Moldóvu, 4-0.