Real kláraði C-deildarliðið

Real Madrid er komið áfram í spænska bikarnum eftir 3-0 sigur á C-deildarliðinu Melilla en mikið hefur gengið á hjá Real undanfarna daga.

Í fyrrakvöld var Julen Lopetegui rekinn sem stjóri liðsins og við tímabundið tók Santiago Solari en hann er fyrrum leikmaður liðsins.

Leikurinn í kvöld var nokkuð auðveldur fyrir Real. Karim Benzema og Marco Asensio komu Real í 2-0 í fyrri hálfleik og Alvaro Odriozola innsiglaði sigurinn í síðari hálfleik.

Þetta var fyrsti sigur Real, ef Meistaradeildin er tekin frá, síðan 22. september og einungis annar sigurinn í síðustu níu leikjum.