Andrea Rán valin besti miðjumaðurinn

Andrea Rán Snæfeld Hauksdóttir var valin miðjumaður ársins í sinni deild í bandaríska háskólaboltanum.

Andrea spilar með Háskólanum í suður Flórída, USF, sem spilar í American Athletic Conference, einni af mörgum deildum vestanhafs. Hún byrjaði alla 15 leiki liðsins á tímabilinu, skoraði fimm mörk og lagði upp sjö. Hún er hæst í deildinni á lista yfir stoðsendingar í leik, 0,47 að meðaltali.

Hún var einnig valin í úrvalslið deildarinnar ásamt því að vera miðjumaður ársins.

USF vann deildina og tryggði sér þar með heimavallarrétt í úrslitakeppninni.

Andrea spilaði 12 leiki með Breiðabliki í Pepsi deild kvenna í sumar og skoraði þar eitt mark. Hún á 7 A-landsleiki að baki fyrir Ísland.

Midfielder Andrea Hauksdottir has been a crucial part of USF's success this season, and she currently leads the conference in assists per game! We can depend on Andrea no matter what the situation. Congrats to The American Midfielder of the Year!

https://t.co/09QMWK8fl4pic.twitter.com/A2ZDuNOiUY

— USF Women's Soccer (@USFWSOC) October 30, 2018