Ólafur Darri og Gerard Butler saman í nýrri stiklu úr The Vanishing

Leikarinn Ólafur Darri Ólafsson leikur stórt hlutverk í kvikmyndinni The Vanishing en Skotinn Gerard Butler fer með aðalhlutverk myndarinnar.

Í síðustu viku kom út fyrsta stiklan úr myndinni og þar má greinilega sjá að Ólafur Darri kemur töluvert við sögu í myndinni.

The Vanishing er byggð á sannsögulegum atburðum og fjallar myndin um þrjá vitaverði sem finna gull á lítilli eyju við strendur Skotlands en lenda í miklum háska í kjölfarið.

Hér að neðan má sjá stikluna úr myndinni.