Birkir gat ekki æft í vikunni vegna meiðsla

Íslenski landsliðsmaðurinn Birkir Bjarnason verður ekki með Aston Villa annað kvöld vegna meiðsla.

Birkir fór meiddur af velli í leik Villa og QPR um síðustu helgi.

Dean Smith, knattspyrnustjóri Villa, sagði á fréttamannafundi í dag að Birkir yrði ekki með þegar Bolton kemur í heimsókn annað kvöld.

„Þessi leikur kemur of fljótt fyrir Birki,“ sagði Smith. „Hann er ekki byrjaður að æfa með liðinu enn og þarf að jafna sig.“

Aston Villa er í 17. sæti Championship deildarinnar eftir 15 leiki. Birkir hefur spilað níu leiki með Villa í vetur og skorað í þeim tvö mörk.