Klopp: Shaq var afgerandi

Xherdan Shaqiri var maður leiksins í augum Jurgen Klopp, stjóra Liverpool, þegar liðið vann afar öruggan 4-0 sigur á Rauðu Stjörnunni frá Serbíu í Meistaradeild Evrópu í gærkvöldi.

Shaqiri kom frá Stoke til Liverpool síðastliðið sumar og hefur verið í aukahlutverki það sem af er þessari leiktíð.

Hann fékk tækifærið í gærkvöldi og nýtti það fullkomlega ef miðað er við ummæli Klopp eftir leik.

„Shaq var afgerandi. Hann kom að nánast öllu mörkunum okkar. Hann var að vinna boltann í pressunni og gefa stórkostlegar sendingar. Stoðsendingin fyrir Mo var líka mögnuð.“

„Hann er mjög flottur fótboltamaður. Hann þurfti að skila miklu vinnuframlagi í kvöld og hann gerði það frábærlega,“ sagði Klopp.