Fótbolti

Rooney fer ekki á lán

Dagur Lárusson skrifar
Wayne Rooney.
Wayne Rooney. vísir/getty
Wayne Rooney, leikmaður DC United í Bandaríkjunum, hefur ákveðið að fara ekki á lán þegar tímabilið í Bandaríkjunum klárast í desember.

 

Síðustu árin hafa evrópskir leikmenn í bandarískum liðum oftar en ekki ákveðið að fara á lán hjá evrópsku liði á meðan bandaríska deildin er í pásu en Rooney hefur þó ákveðið að gera það ekki.

 

„Nei ég er búinn að skuldbinda mig við DC United og þess vegna mun ég gefa mig allan fyrir DC. Í pásunni mun ég vera hérna stóran hluta af tímanum með krökkunum í skólanum en ég mun þó eitthvað fara heim til að hitta fjölskylduna um jólin.“

 

„Eins og ég segi, ég er búinn að skuldbinda mig og ég held að það yrði bara ekki rétt fyrir mig að vera að fljúga fram og til baka á láni með öðru liði.“

 

Wayne Rooney hefur einnig útilokað það að snúa til baka í landsliðið ef að Southgate myndi heyra í honum.

 

Fótbolti

Mest lesið


Fleiri fréttir

Sjá meira


×

Mest lesið